Вытворцы цукру павялічаць узровень адпускнога кошту цукру белага, які захоўваўся з 2016 года, паведамляе БелТА са спасылкай на сайт канцэрна «Белдзяржхарчпрам».
Цяперашняе змяненне адпускной цаны — прэвентыўная мера з улікам існуючай кан’юнктуры рынку. На фоне двухразовага цэнавага разрыву з Расійскай Федэрацыяй экспэрты прагназуюць магчымасць масавага вывазу цукру за межы Беларусі.
«Асноўная задача канцэрна – забяспечыць прадуктамі харчавання ў першую чаргу ўнутраны рынак. Сёння мы адзначаем значны рост попыту на цукар: калі ў студзені-сакавіку 2021 года на душу насельніцтва прадавалася 1-1, 5 пачкі цукру ў месяц, то ў сакавіку гэтага года на аднаго чалавека з паліц крамы сыходзіла ўжо парадку 3 кг цукру. І гэта мы бярэм у разлік не толькі дарослае насельніцтва, але і дзяцей самага ранняга ўзросту, — адзначыў старшыня канцэрна “Белдзяржхарчпрам” Алег Жыдкоў. — Зразумела, што адзін чалавек не можа спажываць цукар у такіх аб’ёмах. Таму сёння мы вымушаныя прымаць меры для абароны ўнутранага рынку і павысіць адпускны кошт прадукцыі на 60 капеек за 1 кг».
У Беларусі працуе чатыры цукровыя прадпрыемствы: Скідзельскі цукровы камбінат, Слуцкі цукрарафінадны камбінат, Гарадзейскі цукровы камбінат, Жабінкаўскі цукровы завод. Сумарная сутачная вытворчасць салодкага прадукту складае каля 4,8 тыс. т. гэтыя рэсурсы дазваляюць цалкам забяспечыць патрэбнасць унутранага рынку ў белым цукры. Цукровыя камбінаты пастаўляюць прадукцыю ў гандлёвыя сеткі і на прамысловыя прадпрыемствы ў планавым рэжыме ў адпаведнасці з заяўкамі і графікамі адгрузкі.
Прэв’ю: БелТА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.