Вы тут

Качанава — моладзі: Хацелася б, каб вы гэту краіну захавалі такой, якая яна ёсць


Асабістыя тэмы і грамадскія пытанні абмеркавалі школьнікі Брэсцкай вобласці на сустрэчы са старшынёй Савета Рэспублікі Наталляй Качанавай. У Савет Рэспублікі прыехалі ўдзельнікі і пераможцы конкурса творчых работ «Малая радзіма і яе развіццё вачамі моладзі». 


«На мой погляд, тэма малой радзімы — вельмі душэўная. Гэтая тэма, якая кранае сэрца кожнага нармальнага чалавека, бо тое месца, дзе ты нарадзіўся і вырас, застаецца назаўжды», — заўважыла спікер верхняй палаты парламента. 

Сімвалічна, што першае пытанне было прысвечана малой радзіме Наталлі Качанавай. «Мая малая радзіма — Полацк. Там нарадзілася, вырасла, вучылася ў політэхнічным універсітэце, выйшла замуж, нарадзіла дзяцей. У 2022 годзе Полацку спаўняецца 1160 год. На гэтай зямлі што ні крок — гісторыя, там жылі Еўфрасінні Полацкая, Францыск Скарына, Сімяон Полацкі. Гэта Мека, куды прыязджаюць людзі праваслаўныя, вернікі», — шчыра падзялілася яна.

У працяг тэмы школьнікі пацікавіліся ў старшыні Савета Рэспублікі, як выхоўваць патрыятызм у маладога пакалення, якія меры прымаюцца для гэтага ў дзяржаве. Наталля Качанава расказала пра прынятую Праграму патрыятычнага выхавання насельніцтва Рэспублікі Беларусь. Разам з маладымі людзьмі яны паразважалі, што такое патрыятызм. «Можна па-рознаму казаць пра патрыятызм. Але насамрэч — гэта такое паняцце, якое не так проста сфармуляваць. Патрыятызм — гэта ўсё тое, што характарызуе чалавека з яго жыццёвымі асновамі. Калі ты разумееш, што ёсць краіна, якая не нейкае абстрактнае паняцце, а твая краіна, у якой ты нарадзіўся, жывеш, і гэтая краіна развіваецца. Ёсць традыцыі ў тваёй краіны, твая сям’я. І добрыя адносіны, пачуццё адказнасці за тваю краіну, за тое, што будзе адбывацца з табой, тваімі блізкімі, разуменне таго, што ты адказны ў цэлым за ўсё гэта, — павінна быць у кожнага», — сказала Наталля Качанава. Яна заклікала маладых людзей памятаць урокі мінулага і захоўваць традыцыі.

Па словах спікера, без патрыятызму, як і без любові, цяжка дасягнуць жадаемага выніку. «Хацелася б, каб вы гэту краіну захавалі такой, якая яна ёсць, — мірнай, спакойнай, якая развіваецца. Наша краіна маладая. Па гістарычных мерках 30 гадоў — гэта адно імгненне ў гісторыі. Але якая цудоўная краіна. Давайце будзем паказваць сябе ў любові да Радзімы», — заклікала моладзь Наталля Качанава. 

Старшыня Савета Рэспублікі заўважыла, што сучасны свет захапілі хлусня, фэйкі. Яна акцэнтавала ўвагу, што не ўсё напісанае ў інтэрнеце — праўда. І таму такія жывыя сустрэчы вельмі важныя. 

Наталля Качанава папрасіла сваіх суразмоўцаў не саромецца задаваць і асабістыя пытанні. І яны не прымусілі сябе чакаць. Так, адказваючы, чым яна любіць займацца ў вольны час, Наталля Качанава падзялілася, што такога часу вельмі мала і яна стараецца праводзіць яго з унукамі ці чытае кнігі, прычым папяровыя, а не электронныя. Старшыня Савета Рэспублікі падзялілася сваім жыццёвым крэда — ніколі не быць раўнадушнымі. Яна таксама параіла школьнікам любіць сваю працу, свае заняткі. «Калі чалавек усё робіць з любоўю — у яго ўсё атрымаецца», — запэўніла яна. 

Прынамсі, школьнікі цікавіліся і тым, што для іх вельмі актуальна — цэнтралізаванным тэсціраваннем, нюансамі пры паступленні, магчымасцю ў будучым працаваць на дзяржаўнай службе. Хлопцы і дзяўчаты актыўна дзяліліся сваімі меркаваннямі на розныя сацыяльна-палітычныя тэмы, актыўна цікавіліся пытаннямі сацыяльнай палітыкі. Школьнікі і Наталля Качанава размаўлялі больш за дзве гадзіны. Некаторыя пытанні, агучаныя на сустрэчы, старшыня Савета Рэспублікі паабяцала ўзяць на свой кантроль і вырашыць. Сустрэча атрымалася разнабаковай і вельмі насычанай і стала карыснай для ўсіх. 

«Школьнікі, якія прыязджаюць да нас у Савет Рэспублікі, вельмі зацікаўленыя ў тым, каб задаваць пытанні, даваць нават парады і рэкамендацыі. І я кожны раз для сябе раблю выснову аб тым, што нам як мага часцей трэба сустракацца з моладдзю. Сёння атрымаўся дыялог абсалютна на роўных, хлопцы і дзяўчаты цікавяцца не толькі пытаннямі, звязанымі з маладзёжнай палітыкай, іх цікавяць разнапланавыя пытанні», — адзаначыла Наталя Качанава. Яна прызналася, што пасля падобных сустрэч у яе заўсёды застаецца добры настрой і зарад бадзёрасці і энергіі, які дае неабыякавая моладзь. 

«Для мяне няма розніцы, з якой аўдыторыяй размаўляць. Калі ты шчыры ў сваіх адказах, калі не трэба падбіраць словы і выразы, калі дакладна ведаеш сваю пазіцыю ў адносінах да таго, што адбываецца, калі валодаеш інфармацыяй нават не трэба рыхтавацца і маральна сябе настройваць. Я з задавальненнем заўсёды іду да моладзі, бо я заўсёды раблю свае высновы. Яны абсалютна шчырыя і непадкупныя. У іх выразе твару відаць, наколькі цікава і наколькі правільна ты адказваеш. Я вельмі люблю сустракацца з моладдзю, гэта наша будучыня і можна дакладна ацаніць, наколькі тая справа, якой ты займаешся, заўтра прадоўжаць гэтыя маладыя людзі», — падкрэсліла Старшыня Савета Рэспублікі. 

Валерыя СЦЯЦКО

Фота БелТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.