Вы тут

Андрэйчанка: Беларусь ніколі не забудзе жахі фашызму і зробіць усё, каб у яго не было будучыні


Беларусь ніколі не забудзе жахі фашызму і зробіць усё, каб у яго не было будучыні, паведаміў БелТА старшыня Палаты прадстаўнікоў Уладзімір Андрэйчанка.


Дзесяць дзён таму, у Міжнародны дзень вызвалення вязняў фашысцкіх канцлагераў, ужо ўздымалася пытанне аб рашэнні нямецкіх арганізатараў не запрашаць дэлегацыі Беларусі і Расіі на жалобныя мерапрыемствы ў Бухенвальдзе. Сёння аналагічна паступаюць у аўстрыйскім Маўтхаўзене.

«Складваецца ўражанне, што гэтыя аб’екты знаходзяцца не на тэрыторыі Германіі і Аўстрыі, а валодаюць уласным суверэнітэтам. А міфічныя „арганізатары“ не з’яўляюцца нямецкімі і аўстрыйскімі грамадзянамі і могуць тварыць усё, што ім заманецца, насуперак пазіцыі ўладаў, — сказаў Уладзімір Андрэйчанка. — Галоўным элементам фашысцкай ідэалогіі з’яўляецца расавая перавага, падзел людзей на класы па вызначаным прыкмеце. У лагерах смерці знішчаліся ўсе, хто не адказваў расавых стандартам, і ў першую чаргу яўрэі, цыгане, славяне. Тады фашыстам не далі рэалізаваць планы ў поўным аб’ёме. Сёння ж прынцып падзелу рэанімаваны. Асобныя краіны спынілі прыкідвацца, што яны асуджаюць нацызм і назаўжды вызваліліся ад фашысцкага мінулага. Маскі скінутыя, а перад светам паўстала сапраўднае аблічча рэваншызму».

Спікер канстатаваў: у Польшчы, Літве, Эстоніі, Латвіі, Чэхіі зносяць і апаганьваюць помнікі, ва Украіне прысвойваюць званні «герояў» катам і адкрыта адраджаюць фашызм. «Германія і Аўстрыя „забываюць“ запрасіць прадстаўнікоў краін-пераможцаў на жалобныя мерапрыемствы ў месцы, дзе па-зверскі закатаваныя тысячы грамадзян Беларусі і Расіі, — падкрэсліў ён. — „Асвечаная“ Еўропа выключае Беларусь з міжнародных арганізацый, актыўна будуе новыя бар’еры, раздзірае дамоўленасці. Беларусь заўсёды адкрыта для раўнапраўнага дыялогу, але нікому не дазволіць размаўляць з сабой з пазіцыі сілы. Наш народ памятае і ніколі не забудзе жахі фашызму, зробіць усё магчымае, каб у яго не было будучыні, данясе гістарычную праўду да тых, у каго кароткая памяць».

Прэв’ю: БелТА

Выбар рэдакцыі

Грамадства

«Экі­пі­роў­ка» вы­дат­ні­ка. Як сэ­ка­но­міць гро­шы і нер­вы?

Апошні летні месяц (асабліва другая палова жніўня) для бацькоў школьнікаў заўсёды праходзіць пад дэвізам «Збіраемся ў школу!».

Грамадства

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Падчас жніва ўсе, хто задзейнічан ва ўборачнай кампаніі, часова становяцца хлебаробамі.