У праваслаўных набліжаецца светлае свята Уваскрэсення Хрыстова або Вялікдзень. Асноўныя стравы святочнага стала — гэта куліч, яйкі і тварожная пасха. Не кажучы ўжо аб багацці страў пасля выхаду з Вялікага посту. Як быць, каб і ў гэты дзень выконваць баланс у харчаванні і не пакутаваць потым тыдзень строгімі абмежаваннямі? Парадамі падзялілася ўрач-гігіеніст Мінскага абласнога цэнтра гігіены, эпідэміялогіі і грамадскага здароўя Інга Фядоткава.
- Для куліча выкарыстоўвайце муку буйнога памолу, мінімум цукру, лепш дадаць у цеста салодкія сухафрукты, кефір або малако нізкай тлустасці, можна нават ваду. У ідэале не выкарыстоўваць дрожджы. Выдатны куліч можна прыгатаваць на яблычным пюрэ, напрыклад.
- Што датычыцца пасхі, для гатавання лепш выкарыстоўваць тварог і смятану нізкай тлустасці, сухафрукты, ягады, арэхі, але з апошнімі трэба быць асцярожнымі, бо яны хоць і карысныя, аднак вельмі каларыйныя.
- Ну а яйкі — дыетычны прадукт. Тут пытанне з фарбавальнікамі. Фаварытам застаецца шалупіна цыбулі, можна выкарыстоўваць натуральныя фарбавальнікі: каркадэ, буракі, каву, куркуму — вельмі незвычайна атрымліваецца. Для разнастайнасці можна наклеіць
- тэрманаклейкі.
- З астатніх страў пажадана аддаваць перавагу запечанаму нятлустаму мясу, рыбе, агароднінным салатам з аліўкавым алеем, закускам з хлеба з цэлага зерня, вялікай колькасці садавіны, гародніны, ягад.
- Калі вырашылі купіць куліч, то звяртайце ўвагу на склад: яйкі, а не яечны парашок, масла сметанковае, а не маргарын, цукар, а не подсалоджвальнік, мінімум дабавак і араматызатараў.
- Не забывайце, што харчавацца нават у свята трэба 3-4 разы на дзень, а не адзін раз з самай раніцы да вечара.
І, вядома, Вялікдзень — гэта яшчэ адна нагода прысвяціць час блізкім і любімым.
Алена КРАВЕЦ