Прэзідэнт Беларусі Аляксандр Лукашэнка правёў нараду па сітуацыі ў банкаўскай сістэме. Сярод дакладчыкаў — старшыня КДК Васіль Герасімаў, першы віцэ-прэм’ер Мікалай Снапкоў і былы старшыня праўлення банка «БелВЭБ» Васіль Мацюшэўскі.
«Зусім нядаўна, Васіль Мікалаевіч (Герасімаў — “Зв.”), вам было даручана праверыць шэраг банкаў (прыватных, замежных, хаця цяжка сказаць, што расійскія банкі — замежныя, дзяржаўных) і выявіць негатыўныя тэндэнцыі, што ўласцівы ўсім гэтым банкам ці асобным. Аказалася, што недахопы ўласцівы ўсім банкам. І мы робім адзназначны вынік, што мы дрэнна працуем з банкаўскай сістэмай», — заявіў Прэзідэнт.
Паводле яго, для банкаў не стварылі «прававую каляю», у якой яны павінны развівацца, прытрымліваючыся правілаў і законаў.
«Тады ў нас і атрымліваецца, ці Мацюшэўскі няправільна паступіў, ці Калаур (старшыня праўлення Нацбанка — “Зв.”) не туды залез і гэтак далей. Таму я сёння прыняў рашэнне: Камітэт дзяржаўнага кантролю ў бліжэйшы час прааналізуе абстаноўку ў банках і адназначна прапіша, што можна, а што нельга. І банкаўская супольнасць, спецыялісты, якіх вы падключыце да выпрацоўкі гэтых рашэнняў, вынесуць канкрэтныя прапановы для прыняцця рашэнняў», — падкрэсліў кіраўнік краіны.
Аляксандр Лукашэнка строга папярэдзіў, што гэтыя прапановы на яго стане павінны ляжаць да чэрвеня.
Марыя ДАДАЛКА
Фота: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.