Міністр інфармацыі Уладзімір Пярцоў правёў Урок памяці ў сваёй роднай школе, якую ў свой час скончыў з сярэбраным медалём. Падчас дыялогу з вучнямі ён расказаў пра генацыд нашага народа ў часы Вялікай Айчыннай вайны.
Міністр заўважыў, што сёння многія імкнуцца перайначыць гістарычныя факты, прынізіць подзвіг савецкага народа, таму галоўная задача бацькоў і настаўнікаў дапамагчы моладзі адасобіць праўду ад іншага інфармацыйнага шуму. І гэта, калі меркаваць па падлетках, якія выхаваны на патрыятызме, атрымліваецца.
— 9 Мая — адно з галоўных святаў Беларусі. Мы захавалі яго пасля распаду СССР, калі пад уплывам заходніх калег лічылася недарэчным успамінаць, што рабілася на гэтай зямлі ў 1941 — 1944 гадах. Яны спрабавалі пераканаць нас, што трэба забыцца аб тых страшных падзеях і Перамозе. Рабілі гэта для таго, каб нівеліраваць злачынствы сваіх продкаў і дзяржаў у ваенны перыяд, прынізіць ролю Савецкага Саюза ў разгроме фашызму, каб мы не адчувалі сябе патомкамі пераможцаў — адзначыў Уладзімір Пярцоў.
2022 год асаблівы — гэта Год гістарычнай памяці. Сёння, калі амаль не засталося жывых сведкаў ваенных ліхалеццяў — ветэранаў, маладое пакаленне павінна трымацца за кожную магчымасць, каб даведацца пра праўдзівыя факты Вялікай Айчыннай, зразумець, каго лічыць сапраўднымі героямі, а потым перадаць гэтую памяць сваім дзецям. Бо вайна можа паўтарыўцца зноў, калі чалавецтва пра яе забудзе.
Напрыканцы мерапрыемства школьны тэатр паказаў спектакль «Нелюдзі», аўтарам і акцёрам, выконваючым галоўную ролю якога стаў 11-класнік Багдан Кузьмін.
— Інфармацыя ў моладзі лепш засвойваецца ад аднагодкаў, спектакль — яркі таму доказ, бо, гледзячы на ўстрывожаныя вочы прысутных, зразумела, што пастаноўка моцна іх уразіла, — заключыў міністр.
Аляксандра ГВОЗДЗЕВА
Фота БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
