Свята працы адзначаць ва ўсіх раёнах Брэстчыны. У шэрагу раёнаў да гэтага дня прымеркавалі ўрачыстую цырымонію занясення на раённыя дошкі Пашаны. Гэта зробяць у Пружанах, Івацэвічах, Бярозе. А ў Камянцы, да таго ж, 1 мая ўручаць спецыяльныя пасведчанні арганізацыям і перадавікам — героям дня.
Славіць чалавека працы будуць паўсюль. Напрыклад у Драгічынскім, Івацэвіцкім, Маларыцкім,Столінскім раёнах зладзяць святы для прадстаўнікоў працоўных дынастый.
У Ганцавічах рашылі адзначыць свята спартакіядай сельскіх жыхароў, а яшчэ пасадзіць сад. А ў Пінску будзе нешта накшталт ранейшай дэманстрацыі, урачыстым маршам па галоўнай вуліцы пройдзе калона прадстаўнікоў працоўных калектываў.
У Столінскім раёне асабліва ўрачыста ўшануюць ветэранаў працы, каб гэтыя людзі ведалі, што іх працоўныя заслугі памятаюць. У Баранавіцкім раёне пройдзе раённае свята працы ў пасёлку Мірны. У Жабінцы адкрываюць фантан у гарадскім парку. У Лунінцы ўспаміналі, як святкавалі Першамай раней, у гэтым дапамог краязнаўчы музей, арганізаваў выставу першамайскіх паштовак.
У Брэсце напярэдадні ўрачыста адкрылі пасля рэканструкцыі 5-ю чаргу набярэжнай ракі Мухавец. Цяпер гэта яшчэ адна славутасць горада і ўлюбёнае месца адпачынку многіх гараджан. Канцэрт на набярэжнай, як і ў іншых гарадах вобласці, пройдзе пад старым добрым лозунгам: «Мір! Праца! Май!».
Святлана ЯСКЕВІЧ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
