Вы тут

Кароткатэрміновыя валютныя дэпазіты за год выраслі больш чым у 5 разоў


Кароткатэрміновыя валютныя дэпазіты за год выраслі больш чым у 5 разоў. Паводле інфармацыі партала «Усе банкі Беларусі», за апошнія два месяцы значна выраслі рэальныя стаўкі па ўсіх дэпазітах для насельніцтва.


Сярэдняя стаўка па новых валютных укладах для фізічных асоб на тэрмін да 1 года ў банках Беларусі ў сакавіку вырасла ў 1,8 разы — да 5,92 % гадавых у параўнанні з лютым гэтага года, а ў параўнанні з сакавіком мінулага года — у 5,4 разы.

Такі значны скачок даходнасці ўкладаў у сакавіку быў выкліканы імкненнем банкаў спыніць адток валютных дэпазітаў насельніцтва. Павялічылася таксама і сярэдняя стаўка па новых дэпазітах на тэрмін звыш 1 года. За год гэты паказчык вырас прыкладна ў 3,4 разы (да 7,86 % з 4,74 % у лютым).

Досыць моцна працэнты паялічыліся па ўкладах, намінаваных у расійскіх рублях. Сярэдняя стаўка па новых кароткатэрміновых дэпазітах паднялася ў сакавіку да 18,8 %, павялічыўшыся ў 3 разы ў параўнанні з лютым таго ж года і прыкладна ў 5,1 раза за год. Па доўгатэрміновых дэпазітах стаўка па расійскіх рублях паднялася ў 2,5 і 3,2 разы адпаведна, дасягнуўшы 23,4 % гадавых.

Але і па ўкладах у доларах рост працэнтаў быў уражлівым. Сярэдняя стаўка па новых укладах у доларах тэрмінам да года ў сакавіку паднялася да 5,01 %, што больш, чым у лютым бягучага года ў 1,6 разы, і больш, чым у сакавіку мінулага года ў 4,8 разы. Працэнты па ўкладах на тэрмін звыш года падняліся адпаведна ў 1,3 і 2,9 разы — да 6,02 %.

Па доўгатэрміновых валютных дэпазітах стаўка павялічылася да 5,68 % гадавых, гэта значыць у 2 і 4, 8 разы адпаведна.

Сяргей КУРКАЧ

Прэв’ю: pixabay.com

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.