Старшыня аблвыканкама Іван Крупко правёў прыём грамадзян у Гомелі.
На прыём да кіраўніка рэгіёну звярнулася жыхарка Мазыра. Наталля не згодна з тым, што яна і яе непаўналетнія дзеці вымушаныя шукаць новае месца пражывання, з“язджаць са «сваёй» кватэры. Як патлумачыла заяўніца, жыллё – арэнднае, вылучалася яе мужу, супрацоўніку МНС, як службовая кватэра. Але сям“я распалася, былы муж з’ехаў. Чацвёрты год заяўніца аплачвае жыллё сама. Стаіць яна і ў чарзе на паляпшэнне жыллёвых умоў. Але ж па законе не мае права пражываць ў гэтай кватэры. Як было адзначана, былы муж з арэнднай кватэры выпісаны, дагавор на яе скасаваны.
Засяліцца з дзецьмі ў добраўпарадкаваны інтэрнат блочнага тыпу і паралельна стаць на ўлік па атрыманне арэнднага жылля: такі варыянт вырашэння жыццёвай сітуацыі прапанаваў разгледзіць мазыранцы Іван Крупко.
Па дапамогу ў вырашэнні кватэрнага пытання да губернатара звярнулася і сям'я са Жлобіна. Заяўнікі распавялі, што некалькі гадоў таму выступалі дольшчыкамі ў будаўніцтве шматкватэрнага жылля.
- Пачалі будаваць кватэру, аднак асабістыя акалічнасці змяніліся. І ў лютым 2017 года да моманту, як дом пабудавалі, скасавалі дагавор з трэстам, - распавялі заяўнікі. - Грошы за кватэру былі ўнесены поўнасцю. Прадпрыемства абяцала вярнуць усю суму пасля рэалізацыі кватэры, аднак праз паўгода аб'явіла сябе банкрутам.
Цяпер забудоўшчык у стадыі санацыі, і ўсе плацяжы ідуць строга па чэргах. Заяўнікі - у пятай.
Адным са шляхоў вырашэння сітуацыі можа стаць зварот у эканамічны суд, звярнуў увагу кіраўнік рэгіёну. Іван Крупко даў даручэнне спецыялістам дапамагчы сям’і з юрыдычным афармленнем іску ў суд.
На прыём да старшыні аблвыканкама з зямельным пытаннем звярнуўся фермер з Акцябрскага раёна:
- Вырошчваю агародніну. Цяпер у нас 218 гектараў. Побач ёсць землі, якія не выкарыстоўваюцца, - 2 участкі па 40 гектараў. Прашу іх выдзеліць, - звярнуўся жыхар раёна.
Фермер запэўніў, што для апрацоўкі дадатковых участкаў у тэхнічным плане ёсць усе неабходнае. У гаспадара абсталяваны два агароднінасховішчы на 2 тысячы тон, ёсць уласная ўпаковачная лінія.
Старшыня аблвыканкама даручыў аператыўна вывучыць сітуацыю і прыняць рашэнне па агучаным фермерам звароце.
На прыёме кіраўніка рэгіёну былі абмеркаваныя і іншыя пытанні. Па кожным Іван Крупко даў канкрэтныя даручэнні.
Наталля КАПРЫЛЕНКА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
