Вы тут

Сёння ўначы замаразкі да мінус 3 градусаў, а потым пацяпленне


Вось і прыйшоў май. Здавалася б, апошні месяц вясны ў нас традыцыйна бывае досыць цёплым. Але, у той жа час, у першай палове мая начныя замаразкі цалкам магчымыя, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.


Аб істотных замаразках надворе нам нагадае ўжо ў ноч на пятніцу. У гэтыя суткі ўдзень сінаптычныя ўмовы ў Беларусі ў асноўным будзе вызначаць вобласць павышанага атмасфернага ціску, толькі раніцай у заходніх і паўночна-заходніх раёнах краіны адабецца ўплыў атмасфернага фронту. Пераменная воблачнасць. Пераважна без ападкаў, толькі раніцай і ўдзень месцамі ў заходніх і паўночна-заходніх раёнах краіны пройдуць кароткачасовыя дажджы, магчымы навальніцы. Вецер паўднёвы ўначы слабы, удзень умераны, пры навальніцах парывісты. Мінімальная тэмпература паветра ўначы складзе ад плюс 1 градуса да 6 цяпла, месцамі замаразкі — ад нуля да мінус 3 градусаў, па захадзе Беларусі да плюс 9 градусаў. Максімальная тэмпература ўдзень чакаецца ад плюс 15 градусаў да 21 градуса вышэй за нуль. Атмасферны ціск уначы істотна не зменіцца, удзень будзе слаба падаць.

У суботу — 7 мая, надвор’е будзе вызначаць маларухомая франтальная сістэма. Воблачна з праясненнямі, уначы пераважна па захадзе, раніцай і ўдзень на большай частцы тэрыторыі краіны чакаюцца кароткачасовыя дажджы. Удзень у асобных раёнах магчымыя навальніцы. Вецер паўднёвай чвэрці ўмераны, пры навальніцах парывісты. Тэмпература паветра мінімальная ўначы ад 3 да 10 цяпла, максімальная ўдзень — ад плюс 13 да плюс 20 градусаў.

У нядзелю краіна апынецца пад уплывам атмасферных франтоў, якія змяшчаюцца з Балтыйскага мора. Будзе воблачна з праясненнямі. Уначы месцамі, раніцай і днём на большай частцы тэрыторыі нашага рэгіёна пройдуць кароткачасовыя дажджы. Удзень у асобных раёнах магчымыя навальніцы. Вецер Заходняй чвэрці ўмераны, пры навальніцах парывісты. Тэмпература паветра мінімальная ўначы 4–10 цяпла, максімальная ўдзень — люс 12–18 грдусаў, месцамі па краіне да 20 цяпла.

Сяргей КУРКАЧ

Фота Маргарыты ПАЛЮХОВІЧ

Выбар рэдакцыі

Эканоміка

Нерухомасць і грошы. Як падрыхтаваць кватэру, каб выгадна яе прадаць

Нерухомасць і грошы. Як падрыхтаваць кватэру, каб выгадна яе прадаць

Вось вы і вырашылі развітацца са сваёй кватэрай?

Культура

З энергіі агню. Янка Купала для беларусаў — не проста паэт

З энергіі агню. Янка Купала для беларусаў — не проста паэт

140 гадоў таму адбыўся галоўны купальскі цуд Беларусі.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.