Вы тут

У пустыні Бадын-Джаран знаходзяцца таямнічыя азёры


На тэрыторыі пустыні Бадын-Джаран, якая знаходзіцца на мяжы правінцыі Ганьсу (Паўночна-Заходні Кітай) і аўтаномнага раёна Унутраная Манголія (Паўночны Кітай), знаходзяцца больш за сотня азёр, якія адрозніваюцца адзін ад аднаго памерам і колерам, перадае «Жэньмінь жыбаа» анлайн».


Плошча дзіўнай пустыні — каля 50 тысяч кв. кіламетраў. Тут знаходзяцца найвышэйшыя нерухомыя дзюны на Зямлі, вышыня некаторых з іх дасягае ажно паўкіламетра. Нягледзячы на сухі і ветраны клімат, іх утрымліваюць на месцы адталыя грунтавыя воды, якія бяруць пачатак за сотні кіламетраў. 

Для пустыні характэрны пастаянны і даволі моцны вецер, які і фарміруе ўнікальныя ландшафты. Пад уздзеяннем гэтага ветру пясчаныя дзюны выдаюць гучны шум, які даследчыкі неафіцыйна завуць «свіст пяскоў».

У шматлікіх турыстаў, якія імкнуцца патрапіць у гэтыя мясціны, адной з галоўных забаў застаецца даследаванне размешчаных у пустыні азёр. Вадасховішчы знаходзяцца паміж дзюнамі, некаторыя з іх прэсныя, іншыя ж вельмі салёныя. Яны і далі пустыні яе назву, якая па-мангольску азначае «таямнічыя азёры». Адзіная рака Жошуй перасякае пустыню, фарміруючы ў ёй вялікую алювіяльную раўніну.

Усе азёры непаўторныя, некаторыя афарбаваны ў яркія колеры з-за калоній мікраарганізмаў, якія насяляюць іх, а ў салёных азёрах па берагах нярэдка ўтвараецца прыгожая саляная скарынка, дзякуючы чаму яны становяцца падобнымі на вялікія люстэркі ў разной аправе. Побач з прэснымі азёрамі можна ўбачыць не толькі ўнікальную пустынную расліннасць, але і колішнія паселішчы качэўнікаў.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».