Вы тут

Музей з водарам хлеба


У Бацвінаўскім музеі хлеба ў маі запланавана не меней чым пятнаццаць экскурсій для дзяцей Гомельскай вобласці. Гаспадыня музея Ірына Нікішова падлічыла, што за чатыры папярэднія месяцы ўстанову наведала больш за тысячу восемсот хлопчыкаў і дзяўчынак. Да кожнай экскурсіі Ірына Міхайлаўна загадзя сур'ёзна рыхтуецца: па рэцэпце сваёй матулі замешвае муку, ставіць цеста ў адмысловую драўляную дзяжу, каб спорна падыходзіла. Пры гэтым гаспадыня прамаўляе сакральныя словы і просіць, каб цеста было паслухмянае, а пірог атрымаўся пышны, духмяны і прыгожы. Калі цеста падышло, раскладае яго ў формы, ставіць у гарачую печ-духоўку. Да прыезду гасцей выпечка заўсёды гатовая, астывае пад ільняным ручніком, а пякарня-музей яшчэ доўга захоўвае непараўнальны водар. Перад тым, як пачаставаць гасцей караваем, Ірына Міхайлаўна расказвае і паказвае аўтэнтычныя прылады, без якіх яшчэ ў не такі далёкі час не абыходзілася ні адна сялянская сям'я — каб сеяць жыта, пшаніцу і быць з ураджаем, з хлебам.


Музей хлеба ў вёсцы Бацвінава дзейнічае ўжо амаль пятнаццаць гадоў. Ён узнік у рамках праекта мясцовай ініцыятывы, падтрыманай Праграмай развіцця ААН. Адным з аўтараў праекта і была сама майстар па выпечцы хлебабулачных вырабаў — Ірына Нікішова.

Анатоль КЛЯШЧУК

Фота аўтара

Чачэрскі раён

Выбар рэдакцыі

Эканоміка

Нерухомасць і грошы. Як падрыхтаваць кватэру, каб выгадна яе прадаць

Нерухомасць і грошы. Як падрыхтаваць кватэру, каб выгадна яе прадаць

Вось вы і вырашылі развітацца са сваёй кватэрай?

Культура

З энергіі агню. Янка Купала для беларусаў — не проста паэт

З энергіі агню. Янка Купала для беларусаў — не проста паэт

140 гадоў таму адбыўся галоўны купальскі цуд Беларусі.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.