Беларусь пры будаўніцтве і эксплуатацыі атамнай станцыі ўдзяляе прыярытэтную ўвагу бяспецы. Аб гэтым паведаміў сёння журналістам генеральны дырэктар БелАЭС Міхаіл Філімонаў, перадае БелТА.
«Пры развіцці атамнай энергетыкі ў краіне мы першапачаткова паставілі пытанне аб бяспекі станцыі і аб прыцягненні грамадскасці да абмеркавання. Мы правялі ў свой час ацэнку ўздзеяння на навакольнае асяроддзе, потым грамадскія слуханні пры атрыманні ліцэнзіі на эксплуатацыю першага энергаблока. Прыцягвалі грамадскія арганізацыі, запрашалі ўсіх жадаючых, паказвалі, што мы адкрыты. На рэгулярнай аснове праводзім прэс-туры з удзелам журналістаў розных краін. Запрашаем спецыялістаў МАГАТЭ для правядзення рознага роду місій, якія аб’ектыўна ацэньваюць нашу работу», — сказаў Міхаіл Філімонаў.
Беларусь працуе і з Сусветнай асацыяцыяй арганізацый, якія эксплуатуюць атамныя электрастанцыі. Праводзяцца місіі тэхнічнай падтрымкі, партнёрскія праверкі.
У перыяд з 2012 па 2021 год у Беларусі праведзены ўсе ключавыя місіі МАГАТЭ, рэкамендаваныя для краін, якія будуюць першую АЭС. Агенцтва аказвае Беларусі садзейнічанне ў вырашэнні важнейшых пытанняў па рэалізацыі нацыянальнай ядзерна-энергетычнай праграмы і развіццю інфраструктуры ядзернай энергетыкі і ядзернай бяспекі. Беларусь таксама выбудавала ўзгодненую сістэму ўзаемадзеяння з Еўрапейскай камісіяй і Еўрапейскай групай рэгулятараў ядзернай бяспекі (ENSREG).
Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскаму праекту «АЭС-2006», які адносіцца да эвалюцыйных праектаў АЭС з вода-вадзянымі рэактарамі трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць — унікальнае спалучэнне актыўных і пасіўных сістэм бяспекі. Будынак рэактара накрыты падвойнай ахоўнай абалонкай. Рэактар не пацерпіць у выпадку землятрусу, урагану, паводкі, выбуху і нават падзення самалёта.
Тэхналогія ВВЭР на сёння з’яўляецца самай запатрабаванай і апрабаванай у свеце. З яе выкарыстаннем на працягу апошняга дзесяцігоддзя ўведзены ў эксплуатацыю АЭС у КНР і Індыі, а таксама плануюцца да ўводу АЭС у Егіпце, Турцыі, Венгрыі, Бангладэшы, Узбекістане.
Фота: БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
