Вы тут

Галоўчанка: Будаўнічыя прадпрыемствы не павінны вырашаць свае праблемы за кошт насельніцтва


У бягучых абставінах будаўнічыя прадпрыемствы, прыватныя і дзяржаўныя арганізацыі не павінны вырашаць свае праблемы за кошт насельніцтва. Аб гэтым у час нарады па праблемных пытаннях будаўнічай сферы заявіў прэм’ер-міністр Беларусі Раман Галоўчанка. Пасяджэнне праходзіць сёння ў Магілёўскім аблвыканкаме, перадае БелТА.


«Сёння ў Магілёве мы разглядаем сітуацыю ў будаўнічай галіне, якая адносіцца да ліку ключавых для эканомікі і шмат у чым вызначае не толькі эканамічны рост, але і вырашэнне сацыяльных задач дзяржавы. Гэта сфера з’яўляецца своеасаблівым індыкатарам эканамічных працэсаў, якія адбываюцца. Таму выклікаюць заклапочанасць некаторыя тэндэнцыі, што складваюцца ў гэтай сферы, — адзначыў у сваім выступленні прэм’ер-міністр. — Непасрэднай падставай для правядзення нарады стаў зварот Мінскага гарадскога выканаўчага камітэта з цэлым пакетам прапаноў, якія былі ўнесены па паляпшэнні сітуацыі ў будаўнічай галіне. Таму для таго, каб гэта не выглядала кулуарным абмеркаваннем у цэнтры, я запрасіў сюды адпаведных кіраўнікоў усіх абласцей, якія адказваюць за сферы будаўніцтва, а таксама кіраўнікоў буйнейшых будаўнічых аб’яднанняў, якія павінны нам даць аб’ектыўную карцінку і ацэнку сітуацыі, што складваецца ў вашых сферах адказнасці, і з улікам гэтага прыняць выверанае рашэнне».

Адным з ключавых пытанняў Раман Галоўчанка адзначыў тэндэнцыі, што намеціліся ў краіне па скарачэнні аб’ёмаў будаўніча-мантажных і падрадных работ. Спадарожным фактарам з’яўляецца рост цэн на сыравіну і матэрыялы, якія выкарыстоўваюцца ў будаўніцтве. «Для мяне стала заканамерным пытанне аб тым, ці не варта нам узмацніць дзяржаўнае ўздзеянне ў частцы рэгулявання цэн на сыравіну і матэрыялы, што выкарыстоўваюцца ў будаўніцтве пазабюджэтных аб’ектаў. У любым выпадку мы не з’яўляемся прыхільнікамі татальнага рэгулявання цэн. Тым не менш у перыяд складаных працэсаў, якія адбываюцца, умяшанне дзяржавы з пункту гледжання рэгуляторыкі неабходна. Гэта дапаможа скараціць недзе кан’юнктурныя, а недзе спекулятыўныя фактары».

Паводле слоў Рамана Галоўчанкі, будаўнічыя арганізацыі краіны ўздымаюць пытанні аб тым, што ў цяперашніх умовах яны маюць цяжкасці з выкананнем заключаных дагавораў у сувязі з ростам фактычнай вартасці будаўніцтва і фінансавым станам.

Прэм’ер-міністр таксама падкрэсліў, што ўсе працэсы ў эканоміцы павінны быць збалансаваны. «Я ўжо аб гэтым гаварыў неаднаразова: многія камерсанты, дзяржаўныя і прыватныя, на гэтым полі імкнуцца атрымаць кан’юнктурны прыбытак, што ў прынцыпе павінна спыняцца. І калі на гэтым этапе неабходна правесці нейкія дзяржаўныя ўмяшанні ў пытанні рэгулятыўных норм, значыць, правядзём. Калі прымем іншае рашэнне, значыць, будзем дзейнічаць па-іншаму, — падкрэсліў ён. — Хачу папярэдзіць, каб ніхто не спрабаваў скарыстацца гэтым момантам і вырашаць за кошт у першую чаргу насельніцтва і рэальнага сектара эканомікі, якія з’яўляюцца непасрэднымі спажыўцамі вашага прадукту, свае застарэлыя праблемы, у тым ліку звязаныя з неэфектыўнасцю вядзення дзейнасці».

Як адзначыў Раман Галоўчанка, у будаўнічай сферы з’явіўся шэраг прапаноў, па некаторых з якіх ужо распрацоўваюцца рашэнні, іншыя прапановы застаюцца даволі спрэчнымі. «Але факты застаюцца фактамі: пакуль сітуацыя ў будаўнічай галіне выклікае заклапочанасць. Якія меры неабходна прыняць, каб палепшыць сітуацыю, сёння і абмяркуем», — рэзюмаваў Раман Галоўчанка.

Фота: БелТА

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.