Вы тут

У штаб-кватэры НАК адбылася канферэнцыя па спартыўнаму маркетынгу


Сучасны спорт выйшаў за межы стадыёнаў. Сёння гэта ўжо і палітыка, што вельмі сумна, і цэлая медыйная індустрыя, што вельмі цікава. Цяпер спартсменам мала быць моцнымі і паказваць здольнасці на спаборніцтвах. Іх поспехі становяцца агульным дасягненнем, якім варта правільна распараджацца. А ў складаны час, калі найлепшыя атлеты не могуць паказваць свае здольнасці на вядучых турнірах, гэта асабліва актуальна. Як не згубіць тое, што ўжо маецца, як развіваць спартыўны маркетынг у новых умовах, абмеркавалі на міжнароднай канферэнцыі па спартыўным маркетынгу. Мерапрыемства прайшло ў штаб-кватэры Нацыянальнага алімпійскага камітэта.


Як падкрэсліў генеральны сакратар Беларускай федэрацыі гандбола Андрэй Балецкі, сёння неабходна абмяркоўваць і знаходзіць новыя тэндэнцыі ў спартыўным маркетынгу. Калі раней разам з беларускімі прадстаўнікамі можна было прыцягваць рэкламныя медыйныя прадукты партнёраў з Еўропы, то цяпер асноўная праца праводзіцца на беларускім рынку. «Ёсць шмат зацікаўленых партнёраў у рэкламе, гатовых удзельнічаць у спартыўных праектах. У гульнявых відах спорту не ўсе гатовы ўкладвацца ў манетызацыю ў сацсетках, аднак можна выкарыстоўваць магчымасці рэкламных партнёраў у якасці крос-піяру. Гэта дазволіць выходзіць на сваю мэтавую аўдыторыю і павышаць цікавасць да свайго віду спорту», — расказаў ён. Таксама Андрэй Балецкі падкрэсліў, што адзіная гандбольная ліга, якая зараз ствараецца паміж беларусамі і расіянамі, паспрыяе і ў маркетынгу.

Галоўным спікерам на канферэнцыі стаў кіруючы партнёр Newman Sport, сузаснавальнік Hot Sport, Іronstar і Rosa Run Уладзімір Валошын. Ён звярнуў увагу, што сёння спорт — гэта сацыяльная з'ява, якая дапамагае дзецям і дарослым атрымаць новыя эмоцыі, перазагрузіцца і добра сябе адчуваць. І спартыўны маркетынг у гэтым адыгрывае вялікую ролю, а яго сэрца, вядома ж, — самі спартсмены. «Кампетэнцыі, якімі валодаюць спартсмены, унікальныя. Людзям цяжка адчуць тое, што перажывае спартсмен, які імкнецца да алімпійскіх медалёў. І важна, каб атлеты гэтыя веды «пакавалі» і перадавалі будучым пакаленням, натхнялі іх. Кожны спартсмен нясе ў сабе ўнікальны вопыт, які можа быць цікавы шырокаму колу», — падкрэсліў Уладзімір Валошын.

Спецыяліст заўважыў, што сёння спорт канкурыруе з іншымі шматлікімі заняткамі. Па сутнасці, ён змагаецца за вельмі малую адзінку часу людзей, занятых іншымі справамі. І каб такая барацьба была эфектыўнай, неабходны асабісты брэнд спартсмена. Асабліва ён важны ў эпоху перамен — менавіта ў такі складаны час ён пачынае працаваць. «Я параўноваю прафесійных спартсменаў з багамі з Алімпа. Яны не так часта прыходзяць да людзей. Але калі спартсмен сустракаецца з дзецьмі ці дарослымі, то сам таго не разумеючы, зараджае аўдыторыю. І далей гэтыя дзеці бягуць у спартыўныя секцыі, бо памятаюць свой кантакт з чэмпіёнам. Вось яна, сіла асабістага брэнда. Спартсмены часам гэтага не разумеюць да канца. Хочацца ўсім спартсменам пажадаць працаваць над асабістым брэндам не толькі дзеля камерцыялізацыі, але і з пункту гледжання той карысці, якую яны нясуць людзям, і асабліва моладзі», — адзначыў Уладзімір Валошын.

У рэжыме анлайн у канферэнцыі ўдзельнічаў і прэзідэнт ММА — прамоўшэн BRAVE CF, памочнік прынца Бахрэйна Махамед Шахід. Ён падкрэсліў, што галоўная каштоўнасць яго арганізацыі — аб'яднанне народаў праз спорт. «Заклікаю ўсе іншыя арганізацыі прытрымлівацца гэтых прынцыпаў, заставацца разам, аб'ядноўвацца, а не раз'ядноўвацца і не заклікаць да канфліктаў праз спорт. Наша федэрацыя праводзіла спаборніцтвы ў Беларусі, і вашыя атлеты прымалі ўдзел і працягваюць выступаць у нашых спаборніцтвах. Мы верым у дух спорту, і новае пакаленне бачыць, якія каштоўнасці мы жадаем данесці ім», — падкрэсліў Махамед Шахід.

Барацьба ў духу Faіr Play, сяброўства паміж спартсменамі розных краін, абмен вопытам праз спорт карысныя не толькі для маркетынгу, але і для чалавечых адносін. А гэта куды важней за рэкламныя кантракты і рэйтынгі.

Валерыя СЦЯЦКО

Фота: НАК Беларусі

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.