Вы тут

Абласны этап ваенна-патрыятычнай гульні «Арляня» пройдзе ў Гродне


Абласны этап ваенна-патрыятычнай гульні «Арляня» пройдзе сёння ў Гродне. Аб гэтым паведамілі ў Гродзенскім абкаме ГА «БРСМ».


«Арляня» праводзіцца ў некалькі этапаў: першы адборачны этап, сярод навучэнцаў устаноў агульнай сярэдняй адукацыі, другі адборачны этап — раённы, абласны і рэспубліканскі. У абласным туры конкурсу сёння прымуць удзел пераможцы раённых спаборніцтваў — гэта 20 каманд з рэгіёна. Удзельнікамі спаборніцтваў стануць навучэнцы ўстаноў агульнай сярэдняй адукацыі, юнакі і дзяўчаты ва ўзросце 14-17 гадоў«, — распавялі ў БРСМ.

Гульня складаецца з конкурсаў грамадзянска-патрыятычнага і ваенна-спартыўнага характару. У агульны залік спаборніцтваў уваходзяць ваенізаваная эстафета «Час каманды», конкурс па страявой падрыхтоўцы «Кожны з нас у страі!», «Трапны стралок», творчы конкурс «Баявы лісток» і іншыя.

Спаборніцтвы ў Гродне пройдуць на базе 6-й асобнай гвардзейскай механізаванай Кіеўска-Берлінскай ордэна Леніна, Чырванасцяжнай, ордэнаў Суворава і Багдана Хмяльніцкага брыгады. Пераможца абласнога этапу прадставіць Гродзенскую вобласць на рэспубліканскіх спаборніцтвах. Яны пройдуць у чэрвені на тэрыторыі адной з вайсковых частак Беларусі ў выглядзе пяцідзённых збораў.

Мэта гульні «Арляня» — удасканаленне сістэмы патрыятычнага выхавання і ўзроўню дапрызыўнай падрыхтоўкі навучэнцаў, а таксама садзейнічанне станаўленню актыўнай грамадзянскай пазіцыі маладых грамадзян, фарміраванне вернасці абавязку па абароне Айчыны.

Прэв’ю: БелТА

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.