Вы тут

Інавацыйную праграму па вывучэнні робататэхнікі распрацавалі вучоныя БДУ і Акадэміі навук


Унікальны навучальна-метадычны комплекс (УМК) па курсе «Мадэляванне і праграмаванне ў асяроддзі ROS робататэхнічных прылад» плануюць укараніць у БДУ. Яго прэзентацыя адбылася 13 мая ва ўніверсітэце. Гэта сумесная распрацоўка спецыялістаў Інстытута праблем інфарматыкі Нацыянальнай акадэміі навук Беларусі і вучоных факультэта прыкладной матэматыкі і інфарматыкі БДУ. Работа над праектам вялася больш за год.


УМК складаецца з лекцыйных матэрыялаў, навучальных, лабараторных і практычных заняткаў з падрабязнымі ўказаннямі да іх правядзення. Таксама комплекс уключае стэнды для візуальнай дэманстрацыі ўнутранага абсталявання робатаў. Разам з асновамі робататэхнікі студэнтам прапануецца вывучаць падыходы да мадэлявання падобных прылад на базе сучасных праграмных платформ і тэхнічных прылад, даступных цяпер у Беларусі.

Новы навучальны комплекс аб’ядноўвае веды па робататэхніцы і праграмаванні ў адзіны базавы курс.

Навучанне на аснове інавацыйнай праграмы плануецца распачаць у БДУ ў наступным навучальным годзе. Курс будзе даступны для навучэнцаў на факультэтах прыкладной матэматыкі і інфарматыкі, радыёфізікі і камп’ютарных тэхналогій, механіка-матэматычным, фізічным. На дадзены момант элементы робататэхнікі тут выкладаюцца ў рамках іншых дысцыплін.
У планах распрацоўшчыкаў — удасканальванне праграмы з улікам змен у сферы IT.

Надзея НІКАЛАЕВА

Прэв’ю: pexels.com

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.