У Смаргоні адбыўся адкрыты рэгіянальны фестываль батлеечных тэатраў «Чароўны свет батлейкі». У раённы Цэнтр культуры прыехалі артысты-батлеечнікі з рэгіёнаў краіны, сярод іх — калектыў з Мінскай вобласці, аматарскія тэатры Ліды, Міра Карэліцкага раёна, Гродна і Навагрудка, Залесся Смаргонскага раёна і самой Смаргоні, Ракава Валожынскага раёна.
Удзельнікі фестывалю прадэманстравалі традыцыйныя народныя і сучасныя лялечныя пастаноўкі. Гледачы ўбачылі восем цудоўных лялечных спектакляў, у якіх удзельнічалі і дарослыя, і дзеці.
Журы і гледачы годна ацанілі ўсе выступленні апладысментамі і баламі.
У выніку конкурсу званне «Лепшы спектакль» і дыпломы першай ступені атрымалі Народны аматарскі лялечны тэатр «Батлейка» Лідскага аддзела рамёстваў і традыцыйнай культуры і калектыў гродзенскага Цэнтра рамёстваў «Спадчына».
Анатоль КЛЯШЧУК
Фота аўтара
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.