У Міністэрстве сельскай гаспадаркі і харчавання Беларусі пад старшынствам намесніка прэм’ер-міністра Леаніда Зайца адбылося пасяджэнне арганізацыйнага камітэта па падрыхтоўцы і правядзенні 32-й міжнароднай спецыялізаванай выставы «Белагра-2022», паведамляе тэлеграм-канал міністэрства.
На сённяшні дзень пададзена больш за 260 заявак на ўдзел у выставе ад кампаній, запланаваны і калектыўныя экспазіцыі абласцей Расійскай Федэрацыі.
Прафесійным суправаджэннем выставы стане дзелавая праграма, запланавана правядзенне тэматычных канферэнцый і семінараў, прысвечаных пытанням экспарту беларускай прадукцыі.
32-я міжнародная спецыялізаваная выстава «Белагра» адбудзецца з 7 па 11 чэрвеня 2022 года на тэрыторыі выставачнага цэнтра Кітайска-Беларускага індустрыяльнага парку «Вялікі Камень», размешчанага ў 25 км ад Мінска. Агульная плошча экспазіцыі складзе 27 тыс. м. кв.
Традыцыйна «Белагра» з’яўляецца адной з самых маштабных падзей для аграпрамысловага комплексу Беларусі. Штогадовы форум абагульняе міжнародны вопыт у аграпрамысловым машынабудаванні, служыць для пошуку інавацыйных рашэнняў у сферы экалагічна бяспечных матэрыялаў і безадходных тэхналогій. Спецыяльную экспазіцыю дасягненняў беларускіх аграрыяў штогод арганізуе Міністэрства сельскай гаспадаркі і харчавання.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.