Супрацоўнікі МНС паведамілі ў дзяжурную частку АУС Баранавіцкага гарвыканкама аб тым, што 59-гадовы жыхар горада падчас шпацыру ў лесапаласе недалёка ад вуліцы Фралянкова заўважыў прадметы, падобныя на боепрыпасы.
Спецыялісты сапёрнай групы в/ч 7404, якія прыбылі на месца, ідэнтыфікавалі фрагменты. Як паведамляе група інфармацыі і грамадскіх сувязяў Баранавіцкага ГАУС, імі аказаліся 112 37-мм артылерыйскіх снарадаў, 4 30-мм артылерыйскіх снарадаў, 22 23-мм артылерыйскіх снарадаў і адзін запал да гранаты. Усе боепрыпасы часоў Вялікай Айчыннай вайны.
Ваеннаслужачыя абследавалі тэрыторыю на прадмет наяўнасці іншых выбуховых прыстасаванняў. Боепрыпасаў больш не знойдзена.
Сяргей РАСОЛЬКА
Фота УУС Брэсцкага аблвыканкама
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
