Некалькі месяцаў таму ўвесь беларускі баскетбол ускалыхнула страшная навіна — у гульца каманды «Цмокі-Мінск» Рамана Гесця выявілі цяжкую хваробу. Спартсмену ўсяго 21 год. Ён абараняў гонар краіны на пяці чэмпіянатах Еўропы ва ўзроставых катэгорыях U-16, U-18 і U-20. Летам 2021 года разам з маладзёжнай зборнай заняў другое месца на Еўрапейскім кубку выкліку. А ў складзе родных «Цмокаў» увайшоў у лік лепшых гульцоў Расійскай студэнцкай лігі.
Змагацца са страшным дыягназам Раману дапамагалі спецыялісты Рэспубліканскага цэнтра гематалогіі і перасадкі коснага мозгу, спартыўная сям’я і мноства неабыякавых людзей. Раману штодзённа патрабавалася донарская кроў. Беларуская федэрацыя баскетбола запусціла дабрачынную акцыю «Рома, мы з табой». Да яе хутка падключыліся супрацоўнікі федэрацыі, члены каманд, аматары, прадстаўнікі іншых відаў спорту. Вынік такой вялікай працы ўсе ўбачылі на фінальным матчы чэмпіянату Беларусі 13 мая. Раман прыйшоў падтрымаць сяброў, сваю каманду, якая актыўна падтрымлівала яго ў самым цяжкім спаборніцтве. З такой падтрымкай «Цмокі» не маглі не перамагчы.
«Роме дапамагаюць усе: нацыянальныя каманды, усе клубы, спартсмены прыязджаюць з розных гарадоў. Усе здаюць кроў. Калі мы даведаліся гэтую страшную навіну, калі з-за ўспышкі каранавіруса ўзніклі складанасці з донарскай крывёй, згуртавалася ўся баскетбольная грамадскасць. Мы адзіная баскетбольная сям’я. На жаль, нашы спартсмены сутыкаюцца з праблемамі са здароўем. Але яны ведаюць, што кожны член баскетбольнай сям’і гатовы падставіць плячо. А Рома — наш галоўны чэмпіён», — падзялілася генеральны сакратар Беларускай федэрацыі баскетбола Настасся Марыніна.
Нягледзячы на добрую навіну, барацьба Ромы працягваецца. Яму, як і многім людзям з цяжкімі хваробамі, усё яшчэ патрэбна донарская кроў. Прадстаўнікі спартыўнай сям’і працягваюць шчыра ёю дзяліцца. Зрабіць гэта можа і кожны жадаючы. І стаць датычным да самай вялікай перамогі.
Што неабходна, каб здаць кроў як донар для Рамана Гесця:
Валерыя СЦЯЦКО
Фота Беларускай федэрацыі баскетбола
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!