Па дапамогу ў міліцыю звярнуліся работнікі аднаго з сельгаспрадпрыемстваў: за ноч быў разукамплектаваны і выведзены са строю адзін з высокапрадукцыйных культыватараў. Сышчыкі з салігорскага крымінальнага вышуку прыйшлі на дапамогу аграрыям, знайшлі і вярнулі адсутныя дэталі, каб тэхніка магла вярнуцца да працы.
Як паведамляе група інфармацыі і грамадскіх сувязяў Салігорскага РАУС, праваахоўнікі ўстанавілі: у пошуках лёгкага заробку для набыцця спіртнога вывеў са строю сельгастэхніку 24-гадовы рознарабочы іншага сельгаспрадпрыемства. Мужчына выкраў 12 культыватарных дыскаў, два кранштэйны і дзве дэталі мацавання на агульную суму звыш 6000 рублёў. Выкрадзенае вясковец планаваў прадаць у якасці металаў літаральна за невялікую частку рэальнага кошту дэталяў, але не паспеў — дзякуючы аператыўнай працы сышчыкаў атрымалася вярнуць выкрадзенае ў поўным аб’ёме.
За здзяйсненне крадзяжу падазраваны можа пазбавіцца волі на тэрмін да трох гадоў.
Сяргей РАСОЛЬКА
Прэв’ю: УУС Мінскі аблвыканкам
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.