Вы тут

Агульнаўніверсітэцкая акцыя «Вязынка — 2022» пройдзе на малой радзіме Янкі Купалы


20 мая студэнты і выкладчыкі БДУ збяруцца на традыцыйную патрыятычна-асветніцкую акцыю «Вязынка — 2022» . Штогод мерапрыемства прысвячаецца важным датам у гісторыі Беларусі і роднага ўніверсітэта і накіравана на знаёмства студэнтаў з культурнымі і духоўнымі традыцыямі беларускага народа. У гэтым годзе яно прымеркаванае да 140-годдзя з дня нараджэння Янкі Купалы і Якуба Коласа.


Дзеянні разгорнуцца на малой радзіме народнага паэта Беларусі Янкі Купалы ў вёсцы Вязынка Маладзечанскага раёна. Пачатак а 12-й гадзіне.
Па традыцыі галоўнымі ўдзельнікамі злёту зяўляюцца студэнты і кіраўніцтва філалагічнага факультэта БДУ. Сёлета гасцямі мерапрыемства стануць прадстаўнікі Полацкага дзяржаўнага ўніверсітэта і Гімназіі-каледжа мастацтваў імя І.А. Ахрэмчыка. Іх пазнаёмяць з асноўнымі этапамі жыцця і творчасці славутых беларускіх пісьменнікаў.

У праграму таксама ўключаны інтэлектуальны квэст, прысвечаны жыццю і творчасці васьмі народных паэтаў і пісьменнікаў Беларусі, якія ў розныя гады вучыліся і працавалі ў БДУ. Канкурсантам трэба будзе прайсці восем сімвалічных «станцый» і адказаць на пытанні.

Спартыўна-забаўляльная частка мерапрыемства разгорнецца на сімвалічнай гары Парнас, дзе адбудуцца відовішчнае перацягванне каната, конкурс бардаўскай песні ля вогнішча, пенальці. Там жа будуць частаваць кашай ад дэкана.

Арганізатарам акцыі выступае філалагічны факультэт БДУ.

Надзея НІКАЛАЕВА

Выбар рэдакцыі

Грамадства

Без штампа ў пашпарце: падводныя камяні «свабоднага» шлюбу

Без штампа ў пашпарце: падводныя камяні «свабоднага» шлюбу

Жанчыны ўступаюць у першы шлюб у 26,3 года, мужчыны — 28,6.

Калейдаскоп

Дзмітрый Рабаў: У ліпені чакаем ідэальнае беларускае лета!

Дзмітрый Рабаў: У ліпені чакаем ідэальнае беларускае лета!

У ліпені, як і належыць экватару года, прагназуецца самы цёплы перыяд сезона.