Вы тут

Прадпрыемствы Упраўлення справамі Прэзідэнта прадстаўляюць


Выстава-продаж новых відаў прадукцыі і паслуг прадпрыемстваў Упраўлення справамі Прэзідэнта Беларусі пройдзе ў Мінску 26 і 27 мая.


Мерапрыемства адбудзецца ў фае Вялікай залы Палаца Рэспублікі і будзе адкрыта да наведвання для жыхароў і гасцей сталіцы.

Выстава праводзіцца з мэтай прэзентацыі патэнцыялу прадпрыемстваў, іх сістэмнай работы па выкарыстанні інавацыйных падыходаў у вытворчасці тавараў і паслуг, выкананні задач імпартазамяшчэння, рэалізацыі новых перспектыўных напрамкаў дзейнасці.

На гэты раз больш за 70 прадпрыемстваў прадставяць на сваіх стэндах як новыя тавары і паслугі, так і прадукцыю, якая карыстаецца стабільна высокім попытам.

Аграпрамысловы холдынг Упраўлення справамі прэзентуе малочную прадукцыю (сярод навінак — малочныя кактэйлі і тварожныя дэсерты з напаўняльнікамі, прэміум-сыры), а таксама мясныя прадукты і паўфабрыкаты. Цяплічныя гаспадаркі будуць ажыццяўляць продаж свежай гародніны, у тым ліку рэдкіх гатункаў.

Іншым напрамкам выставы стане развіццё мясцовага турызму ў нашай краіне. Нацыянальныя паркі прадставяць экскурсійныя праграмы, актуальныя паслугі паляўнічых гаспадарак, піламатэрыялы і мэбля, прадукты з дзічыны, рыбныя дэлікатэсы, мёд, нарыхтоўкі з дароў лесу. Здраўніцы Беларусі прапануюць гасцям выставы спецыяльныя цэны на санаторна-курортныя і SPA-паслугі, сярод якіх азонатэрапія, радыёчастотны ліфтінг цела і праграмы рэлаксацыі.

РУП «Цэнтркурорт» прэзентуе адпачынак на Каспійскім узбярэжжы (Дагестан, Азербайджан), вялікі выбар тураў па Расіі, уключаючы круізы па Волзе, адпачынак і бізнес-паездкі «пад ключ». Гэта прадпрыемства таксама прапануе новыя турыстычныя маршруты па Беларусі, браніраванне якіх можа ажыццяўляцца праз шматфункцыянальны сэрвіс анлайн браніравання і аплаты турыстычных паслуг VETLIVA.

Акрамя таго, на выставе будуць прадстаўлены будаўнічыя і праектныя паслугі, медыцынскія, гасцінічныя, сэрвісныя і кейтэрынг-паслугі, паслугі па арганізацыі мерапрыемстваў, шырокі спектр тавараў народнага спажывання.

Увагі гасцей заслугоўвае і шырокая экспазіцыя сувенірнай прадукцыі, вырабаў майстроў ручной працы ад ільняных ручнікоў да слуцкіх паясоў.

Час працы выставы-кірмашу:

26 мая — з 12:00 да 19:00;

27 мая — з 9:00 да 15:00.

Уваход для наведвальнікаў вольны.

Сяргей КУРКАЧ

Прэв’ю: pixabay.com

Выбар рэдакцыі

Культура

З энергіі агню. Янка Купала для беларусаў — не проста паэт

З энергіі агню. Янка Купала для беларусаў — не проста паэт

 140 гадоў таму адбыўся галоўны купальскі цуд Беларусі.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.