Адпачынак у беларускіх санаторыях удвая таннейшы, чым у санаторыях Турцыі або Егіпта. Аб гэтым у эфіры тэлеканала СТБ заявіў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, паведамляе БелТА.
«Адпачынак, аздараўленне, санаторна-курортнае лячэнне зусім розныя паняцці, таму іх трэба размяжоўваць. Сёння, вядома ж, калі браць чыста цэнавы крытэрый, то ўсё роўна ў нашых санаторыях цана пуцёўкі аднаго ложка-дня значна меншая», — сказаў Генадзь Балбатоўскі.
Ён адзначыў, што супрацоўнікі Рэспубліканскага цэнтра па аздараўленні і санаторна-курортным лячэнні насельніцтва правялі маніторынг цэн у турэцкіх і егіпецкіх турыстычных фірмах. «Сярэдні кошт па Турцыі складае Br145, па Егіпце — Br162. У той жа час на летні перыяд у нас, я ўжо магу канстатаваць, сярэдні кошт стандартнага двухмеснага нумара будзе складаць каля Br72 у суткі», — паведаміў аб назіраннях за цэнамі ў сферы турызму Генадзь Балбатоўскі.
Названая цана Br72 уключае ў сябе пакет медыцынскіх працэдур, харчаванне, пражыванне і ўдзел у забаўляльных праектах. Генадзь Балбатоўскі падкрэсліў, што цэны адрозніваюцца практычна ў два разы.
Прэв’ю: pixabay.com
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
