Вы тут

У Мінскім раёне пад коламі электрацягніка загінула сям’я


У Мінскім раёне пад коламі электрацягніка загінула сям’я, паведамляе афіцыйны прадстаўнік УСК па Мінскай вобласці Алена Крупеніна.


Вечарам 23 мая ў праваахоўныя органы паступіла паведамленне аб тым, што на станцыі Ратамка ў Мінскім раёне электрацягніком Мінск-Віцебск смяротна траўміраваны мужчына і дзіця.

Па дадзеных следства, каля 22.00 23 мая 32-гадовы мужчына і яго 22-гадовая цяжарная жонка перабягалі чыгуначныя пуці, па якіх рухаўся электрацягнік, на забараняльны сігнал гукавой і светлавой сігналізацыі. У руках жанчына каціла каляску з гадавалым малым.

Сям’я спяшалася на электрычку. У выніку наезду цягніка бацька і дзіця памерлі на месцы здарэння, маці атрымала цяжкія цялесныя пашкоджанні, з якімі была шпіталізавана. Нягледзячы на ўсе намаганні ўрачоў, раніцай 24 мая жанчына памерла.

На месцы працавала следча-аператыўная група, супрацоўнікі абласнога следства. Апытаны работнікі чыгуначнай станцыі, суседзі загінуўшых, агледжана месца здарэння. Назначаны шэраг экспертных даследаванняў, вытворчасць якіх даручана ўпраўленню ДКСЭ па Мінскай вобласці.

Па факце гэтага здарэння Мінскім раённым аддзелам Следчага камітэта ўзбуджана крымінальная справа. Устанаўліваюцца ўсе акалічнасці здарэння.

Следчыя нагадваюць аб правілах паводзін пры пераходзе праз чыгуначныя пуці: не знаходзьцеся паблізу пуцей, асабліва ў стане алкагольнага ап’янення, не хадзіце па пуцях і не сядзіце на рэйках, не выкарыстоўвайце навушнікі і мабільныя тэлефоны пры пераходзе праз пуці, пераканайцеся, што ў зоне бачнасці няма чыгуначнага транспарту. Не перабягайце шляхі перад цягніком, які рухаецца, не ідзіце ўздоўж чыгуначнага пуці бліжэй 5 м ад крайняй рэйкі.

Прэв’ю: УСК па Мінскай вобласці

Выбар рэдакцыі

Здароўе

Асцярожна: ежа! Як папярэдзіць харчовыя атручэнні

Асцярожна: ежа! Як папярэдзіць харчовыя атручэнні

Як папярэдзіць харчовыя атручэнні.

Грамадства

Каб забава не стала трагедыяй

Каб забава не стала трагедыяй

Дзеці, прычым у любым узросце, павінны быць на кантролі дарослых.

Культура

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

 Што «накапалі» археолагі і як гэта змяняе погляд на беларускую гісторыю.

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.