Вы тут

Восем каманд аб'яднаў рэспубліканскі злёт-конкурс атрадаў юных інспектараў руху


За званне найлепшых будуць змагацца сем каманд — прадстаўнікі ўсіх абласцей і сталіцы, якія паспяхова прайшлі адборачныя этапы ў сваіх рэгіёнах. Акрамя таго, у спаборніцтвах удзельнічае каманда Расійскай Федэрацыі.


— Сёння пытанням бяспекі дарожнага руху ўдзяляецца самая пільная ўвага на ўсіх узроўнях, — адзначыў намеснік міністра ўнутраных спраў палкоўнік міліцыі Дзмітрый КАРЗЮК. — Школьнікі не толькі вывучаюць Правілы дарожнага руху, а і дапамагаюць дарослым цікава і дзейсна праводзіць прафілактычныя мерапрыемствы. Для нас гэта важна яшчэ і таму, што ўсё гэта садзейнічае карыснаму правядзенню часу дзяцей, выхоўвае ў хлопцаў і дзяўчат павагу да навакольных, дае магчымасць адчуць сябе патрэбным грамадству. 

Прадстаўнік міліцэйскага ведамства нагадаў, што рух ЮІД зарадзіўся амаль паўстагоддзя таму. Усё пачыналася з простых конкурсаў. Сёння ж удзельнікі выконваюць настолькі насычаную праграму, што з ёй нялёгка справіцца нават даросламу чалавеку.

Дзмітрый Карзюк прывітаў і каманду з Расійскай Федэрацыі. «Упэўнены, што юідаўскі рух будзе і далей развівацца, спадзяюся, што з кожным годам дэлегатаў з сяброўскіх краін будзе больш», — заўважыў намеснік міністра ўнутраных спраў. 

Расію прастаўляе зборная ЮІД Ліпецкай вобласці. «Упершыню прысутнічаем на такім маштабным міжнародным мерапрыемстве, — расказаў начальнік аддзялення прапаганды бяспекі дарожнага руху Упраўлення Дзяржаўнай інспекцыі бяспекі дарожнага руху МУС Расійскай Федэрацыі па Ліпецкай вобласці падпалкоўнік паліцыі Уладзімір ПАРАХІН. — Для нас гэта добрая магчымасць атрымаць карысны вопыт, а для хлопцаў і дзяўчат — яшчэ і знайсці новых сяброў. Мне падабаюцца адносіны і прафесіяналізм кіраўнікоў беларускіх клубаў ЮІД і інспектараў ДАІ, якія займаюцца з дзецьмі з поўнай аддачай. Гэта дае плён і дапамагае выхоўваць законапаслухмянае пакаленне, уважлівых удзельнікаў дарожнага руху».

На працягу чатырох дзён юныя інспектары будуць спаборнічаць у веданні Правілаў дарожнага руху, фігурным кіраванні веласіпеда, медыцынскай падрыхтоўцы. Таксама ў конкурсах «Плакат» і «Агітацыйна-мастацкае прадстаўленне» журы ацэніць творчыя здольнасці дзяцей. Падвядзенне вынікаў і ўзнагароджванне пераможцаў адбудзецца 27 мая.

Вераніка КАНЮТА

Фота прэс-службы МУС

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. У першай палове тыдня будзеце актыўна вучыцца новаму і размаўляць з людзьмі. У сярэдзіне тыдня можа змяніцца настрой, з'явіцца дакладнае разуменне сваіх мэт.

Калейдаскоп

«I гэты чалавек застаўся жыць...» Медыкі ў беларускай літаратуры. Тэст

«I гэты чалавек застаўся жыць...» Медыкі ў беларускай літаратуры. Тэст

Кожную трэцюю нядзелю червеня адзначаецца Дзень медыцынскага работніка.