Вы тут

Таргі на БВФБ. Вось і разварот: умацаванне нашага рубля за кошт падзення расійскага


Таргі на БВФБ. Вось і разварот: умацаванне нашага рубля за кошт падзення расійскага. Гэта пры тым, што долар і еўра адкрылі таргі на біржы 26 мая моцным ростам.


Так, гэта здарылася — беларускі рубель упершыню за два тыдні таргоў умацоўваецца да кошыка валют з-за рэзкага зніжэння кошту расійскага рубля. Кошт кошыка валют знізіўся на 0,16 % і пакінуў максімум амаль за два месяцы. Папярэднія 11 гандлёвых сесій беларускаму рублю не ўдавалася падаражэць пераважна з-за імклівага ўмацавання расійскай валюты. За апошнія 6 гадоў рубель РФ падаў мацней, чым сёння, усяго тры разы.

Сёння беларускі рубель падаражэў да кошыка валют на 1,29%, а за папярэднія 11 гандлёвых сесій яму гэтага не ўдавалася ні разу. З пачатку мая валютны кошык падаражэў на 3,93%.

Курс долара рвануў уверх адразу на 0,0845 BYN да 2,5432 BYN / USD і з мінімуму за 194 дні да максімуму за 15 дзён.

Умацаванне долара на 3,44% за суткі — даволі рэдкая з’ява. З пачатку мая долар саступіў беларускаму рублю 0,0886 BYN. Аб’ём таргоў доларам сёння вырас усяго на $ 2,6 мільёнаў да $ 34,8 мільёнаў.

Курс еўра падскочыў на 0,0630 BYN да 2,6454 BYN / EUR да максімуму за 8 дзён, але яшчэ ўчора ён упаў да мінімуму за 810 дзён (2 гады і 2,5 месяца). З пачатку месяца кошт еўрапейскай валюты ўпаў на 0,1364 BYN.

Аб’ём таргоў еўра на біржы знізіўся ў 2 разы да 17,1 мільёнаў еўра. Нагадаем, што ўчора было зафіксавана зніжэнне амаль у 4 разы да ўзроўню аўторка, калі аб’ём таргоў падскочыў да 119,5 мільёнаў еўра — новага гістарычнага максімуму.

Курс расійскага рубля паваліўся адразу на 0,2334 BYN да 4,1545 BYN / 100 RUB. Сёння перапынілася рэкордная серыя расійскага рубля. Папярэднія сем дзён ён штодня абнаўляў гістарычны максімум.

Сяргей КУРКАЧ

Прэв’ю: БелТА

Выбар рэдакцыі

Грамадства

«Экі­пі­роў­ка» вы­дат­ні­ка. Як сэ­ка­но­міць гро­шы і нер­вы?

Апошні летні месяц (асабліва другая палова жніўня) для бацькоў школьнікаў заўсёды праходзіць пад дэвізам «Збіраемся ў школу!».

Грамадства

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Падчас жніва ўсе, хто задзейнічан ва ўборачнай кампаніі, часова становяцца хлебаробамі.