Вы тут

Дэпутаты разгледзяць у другім чытанні законапраект аб аказанні псіхалагічнай дапамогі


Сёння па ініцыятыве Пастаяннай камісіі па ахове здароўя, фізічнай культуры, сямейнай і маладзёжнай палітыцы ў Палаце прадстаўнікоў праходзіць пасяджэнне круглага стала на тэму "Удасканаленне прававых адносін па аказанні псіхалагічнай дапамогі ў рамках праекта закона «Аб змяненні Закона Рэспублікі Беларусь «Аб аказанні псіхалагічнай дапамогі», паведамляе БелТА.


У пасяджэнні прымаюць удзел дэпутаты Палаты прадстаўнікоў, члены Савета Рэспублікі, міністэрстваў адукацыі, аховы здароўя, па надзвычайных сітуацыях, абароны, Дэпартамента выканання пакаранняў МУС, Нацыянальнага цэнтра заканадаўства і прававых даследаванняў.

Як адзначыла член Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Марына Шкроб, неабходнасць унясення змяненняў выклікана часам. «Свет мяняецца, у тым ліку мяняецца стан чалавека, у яго нейкія з’яўляюцца новыя патрэбнасці. З’явілася неабходнасць у дзеючы закон унесці шэраг змяненняў. Перш за ўсё, нам давялося змяніць паняційны апарат, вызначыць, а хто ж можа аказваць псіхалагічную дапамогу. Паколькі мы з вамі бачым, што адбываецца: нейкія коўчы, ледзь не хіраманты лічаць, што яны могуць аказаць чалавеку псіхалагічную дапамогу. Але мы з вамі разумеем, што яны могуць наадварот нанесці вялікую траўму чалавеку, завесці наогул яго невядома куды, развіць у яго комплексы. Таму вельмі важна вызначыцца, якую адукацыю павінен мець чалавек, які мае права аказваць такі від дапамогі», — расказала яна.

Паводле слоў дэпутата, з’явіліся новыя адгалінаванні аказання псіхалагічнай дапамогі. «Раней, напэўна, мы не чулі аб псіхалагічнай дапамозе пры надзвычайных сітуацыях. А цяпер мы разумеем, што гэта такі даволі буйны напрамак, таму ў нас з’явілася неабходнасць вызначыць правы, абавязкі ў гэтай галіне. У сувязі з гэтым з’явілася неабходнасць змяніць функцыі, абавязкі міжведамаснага каардынацыйнага савета па аказанні псіхалагічнай дапамогі. Раней у нас туды ўваходзіла толькі Міністэрства адукацыі, Міністэрства аховы здароўя, цяпер, як я ўжо сказала, неабходна падключыць Міністэрства па надзвычайных сітуацыях — падкрэсліла парламентарый. — СOVID-19 прывёў нас да таго, што вельмі шмат што стала аказвацца дыстанцыйна. Таму з’явілася неабходнасць прадугледзець аказанне псіхалагічнай дапамогі дыстанцыйна на аплатнай аснове. Гэта значыць з’явіліся шэраг запытаў, на якія мы павінны былі даць адказы. Вельмі важным яшчэ было вызначыцца больш канкрэтна з тым, як аказваецца псіхалагічная дапамога недзеяздольным, непаўнаўлетнім. Гэта ўсё павінна быць у рамках закону, таму што часам гэта вельмі крытычныя сітуацыі. І яшчэ што з новага — мы вызначылі, калі псіхолаг мае права адмаўляцца ад аказання псіхалагічнай дапамогі чалавеку».

Як чакаецца, законапраект «Аб змяненні Закона Рэспублікі Беларусь «Аб аказанні псіхалагічнай дапамогі» ў другім чытанні будзе вынесены на бліжэйшае пасяджэнне сесіі.

Прэв’ю: БелТА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.