Групай Гродзенскай абласной інспекцыі аховы жывёльнага і расліннага свету пры правядзенні палявога мерапрыемства на рацэ Туроўка ў Шчучыне былі затрыманы два мясцовыя жыхары, якія ў перыяд дзеючай на тэрыторыі Гродзенскай вобласці забароны вылавілі рукамі шляхам заходу ў ваду 71 асобіну вузкапалага рачнога рака.
На месца выбывала следча-аператыўная група Шчучынскага РАУС, якая падчас агляду ўстанавіла, што большую частку ўлову склалі яйканосныя самкі. Па заканчэнні неадкладных следчых дзеянняў незаконна здабытыя асобіны водных жывёл былі адпушчаны ў жывым выглядзе ў натуральнае асяроддзе іх пасялення. Як паведамляе Дзяржаўная інспекцыя аховы жывёльнага і расліннага свету, шкода, прычыненая навакольнаму асяроддзю, склала 319,5 базавай велічыні, што з’яўляецца асабліва буйным памерам.
Па дадзеным факце Шчучынскім РАСК узбуджана крымінальная справа па ч. 4 арт. 281 Крымінальнага Кодэкса Рэспублікі Беларусь.
Сяргей РАСОЛЬКА
Фота з сайта Дзяржінспекцыі
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.