Яго ўдзельнікам стала дэлегацыя БДУ на чале з рэктарам Андрэем Каралём. Міжнароднае мерапрыемства праходзіць сёння ў Бішкеку (Кыргызстан). Накіравана яно на прасоўванне эканамічнага супрацоўніцтва і экспартнага патэнцыялу паміж дзяржавамі — членамі ЕАЭС.
Форум сабраў каля 2,5 тысячы прадстаўнікоў 15 краін. У рабоце пленарнага пасяджэння ў анлайн-фармаце прынялі ўдзел кіраўнікі дзяржаў Еўразійскага эканамічнага саюза.
Праграма маштабнага мерапрыемства ўключае правядзенне шасці панэльных дыскусій па пытаннях стратэгічнага развіцця еўразійскай інтэграцыі ў эпоху глабальных змен. Дэталізавана дадзеная праблематыка разглядаецца на 20 тэматычных сесіях. Мадэратарам сесіі «Развіццё сеткавых форм узаемадзеяння пры рэалізацыі адукацыйных праграм вышэйшай адукацыі» выступіў рэктар БДУ, доктар педагагічных навук Андрэй Кароль.
Важным рашэннем кіраўнікоў ВНУ краін ЕАЭС з’яўляецца заснаванне Еўразійскага міжуніверсітэцкага кансорцыума. Сваё членства ў Еўрапейскім сеткавым універсітэце пацвердзілі БДУ, МДУ імя М. У. Ламаносава, ВНУ Арменіі, Казахстана і Кыргызстана.
Надзея НІКАЛАЕВА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.