Недахоп цяпла зрушыў на больш познія тэрміны пачатак уборкі шматгадовых траў, паведамляе БелТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
«Недабор цяпла гэтай вясной зрушыў на больш познія тэрміны пачатак уборкі шматгадовых траў і не лепшым чынам паўплываў на фарміраванне травастою. У паўднёвай частцы Беларусі ў ранняспелых злакавых траў пачалося каласаванне, некаторыя метэастанцыі ў люцэрны адзначылі з’яўленне суквеццяў, што сведчыць аб гатоўнасці траў для першага укосу. Халаднаватае з дажджамі надвор’е, што чакаецца да канца мая, будзе ўскладняць нарыхтоўку кармоў, правядзенне ахоўных мерапрыемстваў па апрацоўцы пасеваў», — расказалі ў Белгідрамеце.
Як адзначылі аграметэаролагі, на пасевах азімых збожжавых культур прадаўжаецца рост сцябла, ідзе фарміраванне міжвузелля і калосся. У паўднёвай частцы краіны пачалося каласаванне. З-за перавагі паніжанага тэмпературнага рэжыму развіццё ідзе з адставаннем. У яравых збожжавых культур на красавіцкіх пасевах у асноўных ідзе кушчэнне і выхад у трубку, месцамі на паўднёвым захадзе краіны адзначаны ніжні вузел саломіны. На майскіх пасевах назіраюцца ўсходы і трэці ліст.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.