Вы тут

У Лепелі прайшло выязное пасяджэнне Прэзідыума Савета Рэспублікі па рабоце са зваротамі грамадзян


У Лепелі адбылося выязное пасяджэнне Прэзідыума Савета Рэспублікі, дзе разгледзелі пытанні па рабоце са зваротамі грамадзян па выніку праведзеных 26 мая ва ўсіх раёнах вобласці асабістых прыёмаў грамадзян членамі Савета Рэспублікі, перадае БелТА.


Старшыня Савета Рэспублікі Наталля Качанава адзначыла, што Віцебская вобласць стала апошняй у гэтым годзе, дзе прайшоў такі адзіны дзень прыёму грамадзян. Названы фармат работы з грамадзянамі паказаў тэндэнцыі, характэрныя для вобласці. У прыватнасці, у Віцебску, дзе прыём праводзіла сама Наталля Качанава, каля трэці зваротаў датычыліся сферы ЖКГ і добраўпарадкавання, і іх трэба было вырашыць на месцы, не даводзячы да звароту да сенатара. «І гэта не імгненныя праблемы, людзі гадамі ходзяць па інстанцыях, а праблемы не вырашаюцца. Такога быць не павінна. Час выбраў вас, давайце працаваць так, каб людзям было камфортна. Кіравацца трэба не асабістымі амбіцыямі, а інтарэсамі людзей. Прэзідэнт нашай краіны ставіць нам гэту задачу, і мы павінны адпавядаць ёй», — падкрэсліла старшыня Савета Рэспублікі.

Загадчык аддзела па рабоце са зваротамі грамадзян і ўнутранага кантролю Сакратарыята Савета Рэспублікі Максім Шэка расказаў, што па колькасці зваротаў, якія паступілі ў Савет Рэспублікі, Віцебская вобласць знаходзіцца на шостым месцы сярод іншых абласцей. «За чатыры месяцы гэтага года ад жыхароў і юрыдычных асоб паўночнага рэгіёна да сенатараў паступілі 211 зваротаў, а толькі за ўчарашні адзіны дзень прыёму грамадзян — 120. Больш за ўсё зваротаў (26) паступіла з Віцебска. Каля 60 працэнтаў закранутых пытанняў належалі да кампетэнцыі органаў мясцовага кіравання. Толькі 10 зваротаў былі паўторнымі, што ў параўнанні з мінулым годам з’яўляецца дадатнай дынамікай. Як паказвае практыка, накіраванне грамадзянамі паўторных зваротаў правакуецца часта службовымі асобамі на месцах, якія не прымаюць належных мер рэагавання», — растлумачыў Максім Шэка.

Наталля Качанава акцэнтавала ўвагу прадстаўнікоў раённых улад, што неабходна працаваць на апярэджанне звароту грамадзян, аб чым не раз гаварыў кіраўнік дзяржавы. «Вазьміце гэта як праграму да дзеяння. Наша ўлада — народная, і яна жыве клопатамі людзей. Людзі ідуць да вас па дапамогу, выслухайце іх, растлумачце, павярніцеся да іх. Па выніках выязных асабістых прыёмаў грамадзян членамі Савета Рэспублікі мы будзем уносіць прапановы па пакаранні тых кіраўнікоў раёнаў, дзе праводзіцца толькі фармальная работа са зваротамі грамадзян», — адзначыла старшыня Савета Рэспублікі.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».