Аператыўнікамі наркакантролю Ленінскага РУУС сталіцы па падазрэнні ў незаконным абароце наркотыкаў затрыманы 25-гадовы непрацуючы гараджанін.
Па інфармацыі ГУУС Мінгарвыканкама, падчас затрымання мужчына аказаў непадпарадкаванне і напаў на супрацоўніка міліцыі, прычыніўшы апошняму цялесныя пашкоджанні. Таксама ён пашкодзіў службовы аўтамабіль.
Пры сабе ў затрыманага былі знойдзеныя і канфіскаваныя тры пакуначкі з асабліва небяспечным псіхатропным рэчывам альфа-PVP. Устаноўлена, што да затрымання ён расклаў закладкі з наркотыкамі, а таксама сам ужыў псіхатроп.
Следчыя далі прававую ацэнку дзеянням мінчаніна і распачалі крымінальную справу за гвалт у дачыненні да супрацоўніка органаў унутраных спраў і незаконны абарот наркотыкаў з мэтай збыту.
Сяргей РАСОЛЬКА
Прэв’ю: pixabay.com
140 гадоў таму адбыўся галоўны купальскі цуд Беларусі.
Янка Купала — мастак-творца.
Фестывалю запросіць сяброў ужо ў гэтую суботу — 9 ліпеня.
У ходзе аперацыі савецкая армія разграміла групу армій «Цэнтр» Вермахта.
