Прававую дапамогу сёння да Дня абароны дзяцей аказваюць юрысты, натарыусы і адвакаты па ўсёй краіне. Па ініцыятыве Міністэрства юстыцыі, бясплатныя юрыдычныя кансультацыі па пытаннях працоўнага, сямейнага, грамадзянскага права, прымусовага выканання, сацыяльнай дзейнасці дзяржавы і іншых могуць атрымаць ад спецыялістаў сем’і, дзе выхоўваюцца непаўналетнія дзеці.
Беларускія натарыусы чакаюць сёння наведвальнікаў асабіста або па тэлефоне ва ўсіх натарыяльных бюро і канторах краіны. Поўны спіс, адрасы і тэлефоны можна ўдакладніць на сайце Беларускай натарыяльнай палаты ў раздзеле «Знайсці натарыуса».
Галоўнае ўпраўленне юстыцыі Мінскага аблвыканкама сумесна з Мінскай абласной натарыяльнай палатай і Мінскай абласной калегіяй адвакатаў праводзіць бясплатныя кансультацыі з 10.00 да 13.00 па адрасу: г. Мінск, вул. К.Лібкнехта, 68, каб. 104. Папярэдне можна званіць па нумары 8 (017) 208 58 01.
Натарыусы Брэсцкай вобласці арганізуюць прамыя тэлефонныя лініі для кансультацый па пытаннях здзяйснення натарыяльных дзеянняў у сферы шлюбна-сямейных адносін і абароны правоў дзяцей, у тым ліку афармлення спадчыны, сведчання даверанацей, згод, шлюбных дагавораў, пагадненняў аб дзецях і пагадненняў аб выплаце аліментаў.
У Віцебскай абласной натарыяльнай палаце па нумары 8 (0212) 60 85 15 з 10.00 да 12.00 чакаюць пытанняў па натарыяльнай дзейнасці.
Аддзелы ЗАГС раённых (гарадскіх) выканкамаў Віцебскай вобласці, адміністрацый раёнаў Віцебска пракансультуюць па пытаннях ажыццяўлення адміністрацыйных працэдур у ЗАГСах і прастаўлення адзнак.
Пытанні, звязаныя са здзяйсненнем натарыяльных дзеянняў з удзелам непаўналетніх, у тым ліку тых, што датычацца парадку афармлення здзелак з удзелам непаўналетніх, афармлення згод на выезд дзяцей за межы Беларусі, і іншых, могуць сёння задаваць Святлане Мазалеўскай, натарыусу Гродзенскай натарыяльнай акругі ўсе жадаючыя з 10.00 да 16.00 па нумары +375 152 62 60 87.
Усе абласныя і Мінская гарадская калегіі адвакатаў сёння таксама ладзяць бясплатныя кансультацыі для шматдзетных сем’яў і сем’яў, дзе выхоўваюцца дзеці-інваліды. Натарыусы чакаюць наведвальнікаў з 9.00 да 18.00 ва ўсіх юрыдычных кансультацыях краіны, адрасы якіх можна ўдакладніць на сайце Беларускай рэспубліканскай калегіі адвакатаў (БРКА), або сайтах тэрытарыяльных калегій.
Кіраўніцтва БРКА і тэрытарыяльных калегій адвакатаў будуць кансультаваць з 9.00 да 13.00.
Спецыялісты галоўнага ўпраўлення юстыцыі Віцебскага аблвыканкама з 9.00 да 13.00 пракансультуюць па пытаннях работы органаў натарыяту, ЗАГСаў, прстаўлення апастылю. Звяртацца з пытаннямі можна па нумары 8 (0212) 67 56 70, 66 50 32.
Галоўнае ўпраўленне юстыцыі Мінгарвыканкама прымеркавала бясплатную прававую дапамогу не толькі да Дня абароны дзяцей, але і да Дня бацькі. Спецыялісты сталічных ЗАГСаў, органаў прымусовага выканання, натарыусы, адвакаты ў фармаце прамых тэлефонных ліній і асабіста чакаюць сёння цягам дня наведвальнікаў з сем’яў, дзе выхоўваюцца непаўналетнія, каб адказаць на пытанні, якія ўваходзяць у кампетэнцыю спецыялістаў.
Тэматыку кансультацый, імя спецыяліста, нумар тэлефона і адрас для наведвання можна паглядзець па спасылцы.
Ірына СІДАРОК
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.