Вы тут

НЦАПД стварыў памятку для бацькоў па абароне персанальных даных дзяцей


Ключавыя правілы асабістай і лічбавай бяспекі абазначылі спецыялісты Нацыянальнага цэнтра абароны персанальных даных у памятцы «Як абараніць персанальныя даныя дзяцей: кіраўніцтва для бацькоў». Адзін з самых эфектыўных метадаў навучання дзіцяці — асабісты прыклад бацькоў. Менавіта яны павінны навучыць дзяцей беражліваму стаўленню да сваіх персанальных даных і паважлівым адносінам да асабістай інфармацыі іншых людзей, упэўнены ў Цэнтры.


З нагоды Дня абароны дзяцей спецыялісты склалі дзесяць простых правіл, якія дапамогуць бацькам навучыць дзяцей анлайн-паводзінам.

1. Пачніце з сябе. Беражлівае і паважлівае стаўленне да асабістых звестак пра сябе і персанальных даных свайго акружэння стане добрым прыкладам для дзіцяці.

2. Не публікуйце ў адкрытым доступе празмерную інфармацыю пра сябе і сваіх дзяцей. Фатаграфіі, відэа, адрасы, нумары тэлефонаў, даты нараджэння, звесткі пра родных і блізкіх і іншыя звесткі.

3. Навучыце сваіх дзяцей асноўным навыкам сеткавай гігіены. Выкарыстоўваць ліцэнзійныя праграмы, ствараць бяспечны профіль, блакіраваць невядомых асоб, адключаць вызначэнне месцазнаходжання, абараняць браузер, адключаючы адслежваючыя файлы cookie. Раскажыце дзіцяці, што метка геалакацыі на фота, якое зроблена па месцы пражывання і размешчана ў сацыяльнай сетцы, дазваляе вызначыць дом, дзе жыве асоба, якая апублікавала здымак.

4. Раскажыце малым пра настройкі. Прапануйце сваім дзецям выбраць двухэтапны варыянт праверкі, які дазваляе малому ствараць персаналізаваны PIN-код для большай бяспекі ад парушэнняў і хакераў.

5. Прыватнасць і ўважлівасць. Раскажыце дзецям, што нельга перадаваць свае асабістыя даныя і персанальныя звесткі сваіх блізкіх незнаёмым людзям. Перасылаць фота або копіі дакументаў незнаёмцам таксама нельга. Калі хтосьці за межамі вядомага кола зносін вашага дзіцяці атрымлівае яго нумар тэлефона, ён можа перадаваць любы кантэнт непасрэдна ў дадаткі, якія выкарыстоўвае малы. Абмяркуйце з дзецьмі важнасць стасункаў толькі з людзьмі, якіх ён ведае і якім давярае, і блакіроўкі паведамленняў ад незнаёмцаў. Такія паведамленні могуць утрымліваць шпіёнскія праграмы, спам або фішынгавую спасылку.

6. Навучыце дзяцей настройваць і захоўваць унікальныя і складаныя паролі для ўсіх сваіх уліковых запісаў. Выкарыстанне адных і тых жа пароляў падвяргае іх рызыцы. 

7. Выкарыстоўвайце надзейныя антывірусныя службы і бацькоўскі кантроль, каб забяспечыць бяспеку дзяцей і іх камп’ютараў.

8. Кантралюйце прылады дзіцяці і сацыяльныя сеткі. Калі вашы дзеці выкарыстоўваюць дадаткі для сацыяльных сетак, ёсць шмат момантаў, на якія неабходна звярнуць увагу. Спачатку, вывучаючы кантэнт, які яны выкарыстоўваюць, падумайце аб прымяненні як сродкаў бяспекі, так і інструментаў фільтрацыі. бацькі могуць бачыць экранны час дзіцяці, а таксама яго дзеянні ў сацыяльных сетках.

9. Звярніце ўвагу на мабільныя дадаткі, якімі карыстаецца дзіця, і якую інфармацыю гэтыя дадаткі збіраюць. Пры ўстаноўцы дадаткі патрабуюць доступ да пэўнай інфармацыі, а таксама могуць атрымаць доступ да звестак на смартфоне. Падумайце, ці сапраўды дадатку «ліхтарык» патрэбны доступ да адраснай кнігі. Не давярайце дадатку, калі яму трэба інфармацыя, якая яму відавочна не патрэбна.

10. Раскажыце дзецям, што інфармацыя, пакінутая ў Інтэрнэце, часцей за ўсё застанецца там назаўжды. Перш чым публікаваць чарговы пост у сацыяльных сетках ці нешта пісаць у публічным чаце, неабходна падумаць, праверыць і ўпэўніцца ў неабходнасці такой публікацыі. Хаця вы заўжды можаце выдаліць непажаданыя паведамленні, вы не ведаеце, хто сабраў гэтую інфармацыю раней і што з ёй збіраецца рабіць далей, у тым ліку, магчыма, выкарыстоўваць яе супраць вас.

Ірына СІДАРОК

Прэв’ю: pexels.com

Выбар рэдакцыі

Грамадства

«Экі­пі­роў­ка» вы­дат­ні­ка. Як сэ­ка­но­міць гро­шы і нер­вы?

Апошні летні месяц (асабліва другая палова жніўня) для бацькоў школьнікаў заўсёды праходзіць пад дэвізам «Збіраемся ў школу!».

Грамадства

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Хлебаробы ў пагонах. Ваеннаслужачыя дапамагаюць ва ўборцы збожжа і ўносяць важкі ўклад у харчовую бяспеку краіны

Падчас жніва ўсе, хто задзейнічан ва ўборачнай кампаніі, часова становяцца хлебаробамі.