Вы тут

Віртуальна прагуляцца па сядзібным доме Графа Патоцкага, каб потым купіць яго


У Беларусі ўпершыню, дзякуючы стварэнню інтэрактыўнага 5D-пашпарта, арганізаваны аўкцыён па продажы будынка помніка архітэктуры «Сядзібны дом Графа Патоцкага». Гэты цікавы аб’ект размешчаны ў цэнтральным рэгіёне краіны ў горадзе Беразіно.


Як адзначылі ў камітэце «Мінскаблмаёмасць», Мінскім абласным агенцтвам па дзяржаўнай рэгістрацыі і зямельным кадастры па замове Бярэзінскага райвыканкама быў рэалізаваны праект па стварэнні інтэрактыўнага 5D-пашпарта сядзібнага дома («лічбавага двайніка»), які змяшчае ўсе асноўныя характарыстыкі пабудовы і яго канструктыўныя элементы.

Справа ў тым, што будынак доўгі час не выкарыстоўваўся, і ў ім таксама адсутнічаюць некаторыя канструктыўныя элементы, якія дазволілі б забяспечыць фізічны доступ на ўсе этапы з мэтай правядзення вымярэння для вырабу тэхнічнай дакументацыі. Аднак выкарыстанне тэхналогій 5D-праектавання дазволіла скласці тэхнічныя дакументы на дадзены аб’ект і выставіць яго на таргі.

Створаны інтэрактыўны 5D-пашпарт дазволіць патэнцыйным пакупнікам «прагуляцца» ў віртуальнай прасторы па помніку архітэктуры, а ў будучым яго магчыма будзе выкарыстоўваць пры рэканструкцыі (рэстаўрацыі) будынкаў і звязаных з дадзенымі працамі даследаваннях.

Разам з помнікам архітэктуры будучаму гаспадару прапануецца зямельны ўчастак плошчай 0,504 гектара. Аднак, на частку гэтых зямель уведзеныя абмежаванні ў выкарыстанні зямельнага ўчастка плошчай 0,3219 га ў сувязі з размяшчэннем на прыродных тэрыторыях, якія падлягаюць спецыяльнай ахове (у водаахоўнай зоне ракі, вадаёму), і плошчай 0,1821 га ў сувязі са знаходжаннем у прыбярэжных палосах водных аб’ектаў ракі Бярэзіна.

Тэрмін арэнды зямельнага ўчастка — 50 гадоў. Ва ўстаноўленым парадку прадастаўляецца магчымасць змены мэтавага прызначэння зямельнага ўчастка і выкарыстання яго для размяшчэння аб’екта для аказання турыстычных паслуг, аб’екта жылой забудовы, аб’екта фізкультурна-аздараўленчага і спартыўнага прызначэння.

Пачатковая цана продажу складае 142 тысячы рублёў. Арганізатары рэгіянальнага аддзела дзяржмаёмасці разлічваюць, што аўкцыён адбудзецца 4 ліпеня.

Сяргей КУРКАЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».