Вы тут

Падарункі ад дэпутатаў і валанцёраў


Гэта адбылося ў рамках аднайменнай акцыі, у якой разам з дэпутатамі Палаты прадстаўнікоў Наталляй Тарасенка і Людмілай Здорыкавай паўдзельнічалі валанцёры Пашкаўскага дзіцячага сада-базавай школы, а таксама сярэдніх школ аграгарадка Кадзіна і № 27 Магілёва. Яны наведалі пацыентаў гематалагічнага аддзялення і перадалі сабраныя падарункі дзецям. 


У барацьбе за жыццё пацыентам тутэйшага аддзялення прыходзіцца вытрымліваць працяглае агрэсіўнае лячэнне — хіміятэрапіі, капельніцы, уколы. І, каб хоць неяк адцягнуць увагу дзяцей ад балючых бясконцых працэдур, урачы пачалі рабіць ім невялічкія падарункі «за храбрасць». Добрую справу падхапілі не абыякавыя людзі. І зараз гэта ўжо пастаянна дзеючы праект, да якога можа далучыцца любы ахвотны. 

— Вельмі хочацца, каб тыя падарункі, якія мы разам са школьнікамі перадалі хворым хлопчыкам і дзяўчынкам, паслужылі самай добрай справе на зямлі — паднялі настрой дзецям і дапамаглі хутчэй справіцца з хваробай, — пажадала Наталля Тарасенка. 

— Рабяты, якія праходзяць тут лячэнне, сапраўдныя героі, — лічыць Людміла Здорыкава. — Але кожнаму герою вельмі важна ведаць, што ёсць людзі, якія гатовы падтрымаць яго ў цяжкую хвіліну. І тое, што ў акцыі прымаюць удзел школьнікі, таксама вельмі важна. Ад тых прынцыпаў, якія закладваюцца з дзяцінства, залежыць характар чалавека ў будучым. Спадзяюся, што наш невялічкі ручаёк дабра сальецца з іншымі і пераўтворыцца ў сапраўдны акіян міласэрнасці і любові.

У «каробках храбрасці» сабраныя цацкі, развіваючыя гульні, канструктары, кнігі і шмат іншых дзіцячых радасцяў. Урачы аддзялення кажуць, што вось такія «прышчэпкі» дабрыні працуюць часам не горш лекаў. Добры настрой, радасць даюць дадатковыя сілы арганізму, каб перамагчы хваробу. 

Нэлі ЗІГУЛЯ

Фота Таццяны ПАДЛІПСКАЙ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.