Вы тут

Стартаваў новы сезон турніру «Залатая ракетка»


На кортах Гарадскога цэнтра алімпійскага рэзерва па тэнісе стартаваў першы этап рэспубліканскага турніра «Залатая ракетка». З чэрвеня па кастрычнік юныя тэнісісты будуць высвятляць, чыя каманда лепшая. У першай группы першага тура сустрэнуцца чатыры каманды. Дзве з Мінска: каманда СДЮШАР імя С.І.Вавілава і каманда Гарадского цэнтра алімпійскага рэзерву. Іх сапернікамі стануць тэнісісты з Пінска і Светлагорскага раёна. 


Адкрываючы турнір, старшыня Беларускай тэніснай федэрацыі Сяргей Рутэнка падзякаваў Прэзідэнцкаму спартыўныму клубу за дапамогу ў арганізацыі. А юным тэнісістам ён пажадаў увесь час атрымліваць асалоду ад гульні. 

«Мне б хацелася адзначыць, што дзіцячы спорт, незалежна ад віду спорту, з’яўляецца падмуркам для развіцця і для пошуку новых зорак. І сёння мы адкрываем новы сезон „Залатой ракеткі“. Мы стараемся пашырыць фармат, каб як мага больш дзяцей удзельнічалі ў турніры. Мы будзем працаваць над развіццём гэтага турніру і надалей. І я спадзяюся, што дадзенае мерапрыемства запаліць новыя тэнісныя зоркі», — адзначыў ён. 

Сёлета фармат «Залатой ракеткі» змяніўся. Як расказала генеральны сакратар БТФ Кацярына Лісіца, арганізатары прыблізілі яго да фармату Летняга і Зімовага каманднага чэмпіянату Еўропы, ад якіх беларускія тэнісісты адхілены. Па яе словах, менавіта гэтыя спаборніцтвы выхоўваюць у юных спартсменаў камандны дух, гонар за сваю краіну і ўменне несці адказнасць.

У новым сезоне «Залатой ракеткі» спаборніцтвы будуць праходзіць у чатыры этапы. Адзін этап — тры гульнявых дні на адной базе. Усе матчы кожнага этапа будуць праходзіць па кругавым фармаце. Усе каманды-ўдзельніцы будуць падзелены на чатыры падгрупы. Сустрэчы «Залатой ракеткі» будуць праходзіць на кортах найбуйнейшых тэнісных цэнтраў Беларусі, што дазволіць юным спартсменам пазнаёміцца з тэніснымі школамі ўсёй краіны. Новы фармат прадугледжвае розыгрыш суцяшальнага турніру і вызначэнне ўсіх месцаў на турніры.

Рэферы турніру Андрэй Ахрамейка звярнуў увагу, што «Залатая ракетка» вельмі важныя спаборнцітвы для тэнісістаў з рэгіёнаў. «Многія каманды, якія не з Мінска, яны толькі пачынаюць гуляць і ў іх, магчыма, яшчэ няма такога вялікага вопыту, як у Мінскіх гульцоў. Таму для іх гэта, канешне, важна, яны адчуюць спаборніцкі дух. „Залатая ракетка“ — асаблівы турнір, бо гэта камандныя спаборніцтвы. Дзеці прадстаўляюць свой горад, свой рэгіён, падтрымліваюць адзін аднаго», — сказаў ён. 

Матчы другой групы запланаваныя на 15-17 чэрвеня. Пройдуць яны на кортах тэніснага клуба «Аква-Мінск». З 19 па 21 чэрвеня на базе «Гомельскага абласнога комплекснага цэнтра алімпійскага рэзерву» адбудуцца матчы трэцяй групы. Заключны, чацвёрты этап, 21-23 ліпеня прыме сталічная «СДЮШАР па тэнісе».

Валерыя СЦЯЦКО

Фота Лізаветы ГОЛАД

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».