Дрожджы з'яўляюцца выдатным стымулятарам росту для раслін. Яны самі па сабе багатыя пажыўнымі рэчывамі, паляпшаюць глебавую мікрафлору, спыняюць развіццё шматлікіх хваробатворных мікраарганізмаў.
Самы папулярны варыянт выкарыстання дражджэй у агародзе — падкормка. Дражджавая падкормка спадабаецца ўсім культурам. Рэцэпт яе такі: кілаграм прасаваных дражджэй разводзіцца ў пяці літрах цёплай вады, затым непасрэдна перад выкарыстаннем раствор разводзіцца вадой у суадносінах 1:10.
Можна прыгатаваць дражджавую падкормку і з сухіх дражджэй. Для гэтага ў 10 літрах вады раствараюць 10 грамаў дражджэй і пару сталовых лыжак цукру. Дадзеную «рошчыну» вытрымліваюць 2 гадзіны, а потым разводзяць вадой 1:5.
Для паслёнавых таксама рэкамендуюць гатаваць адмысловую падкормку з цукрам. На тры літры вады бяруць 100 грамаў дражджэй і палову шклянкі цукру, усё гэта бродзіць на працягу тыдня, а затым разводзіцца вадой: 1 шклянка «бражкі» на вядро. Падкормліваюць таматы, перцы, баклажаны ці бульбу, выліваючы па літры раствору пад кожны куст.
Дражджавым падкормам карысна паліваць і расаду. Будзе расці «як на дражджах», не выцягнецца, лёгка ўкараніцца ў новай зямлі пры пікіроўцы. Калі перад цвіценнем паліць клубніцы разведзенымі ў вадзе дражджамі (100 грамаў на 10 літраў), ягада не захварэе на шэрую гніллю. Такім жа растворам апырскваюць таматы пры з'яўленні першых прыкмет фітафторы ці для яе прафілактыкі. Дрожджы выкарыстоўваюць у прыгатаванні ЭМ-прэпаратаў, «пажыўных браг» і іншых карысных для агароду біянастояў.
Што варта заўсёды памятаць пры ўжыванні дражджэй у агародзе? Першае: як і ўсе мікраарганізмы (а дрожджы — гэта грыбы, як нас вучылі ў школе), дрожджы не будуць актыўна працаваць у халодную пару года. Таму ўсе падкормы лепш рабіць, калі глеба ўжо прагрэлася. Другое: дрожджы паглынаюць калій у працэсе жыццядзейнасці, так што не забудзьцеся кампенсаваць «страты» ўнясеннем попелу.
Як правіла, дражджамі расліны падкормліваюць максімум тры разы за сезоны. Больш не трэба.
Ірына ТАМКОВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».