Вы тут

Дрэвападобныя півоні — для тых, хто хоча ўпрыгожыць свой сад


Яны крыху адрозніваюцца ад травяністых сваімі памерамі і асаблівасцямі куста, таму гэта трэба ўлічваць пры планіроўцы саду ці ўчастку.


Дрэвападобная півоня святлолюбівая, яе не варта высаджваць у густым цені дрэў або блізка каля дома. У той жа час лёгкі паўцень у паўдзённыя гадзіны ёй зусім не пашкодзіць. Глеба павінна быць досыць лёгкая і друзлая, пажадана ўрадлівая, шчолачная або нейтральная і добра дрэнаваная. Гліністых, балоцістых, кіслых глеб півоня не любіць. Вельмі пажаданы добры паліў падчас усёй вегетацыі. Аднак лішку вільгаці дрэвападобныя, як і ўсе іншыя півоні, не любяць.

Найлепшы тэрмін пасадкі — ранняя вясна або пачатак восені. Пры пасадцы каранёвая шыйка півоні (або яе прышчэпы) павінна быць на ўзроўні паверхні глебы. Паміж двума асобнікамі пакідаюць адлегласць не менш за 1,5 м.

Угнаенні ўносяць пасля шчодрага паліву пад куст за 2 тыдні да пачатку цвіцення, а затым праз два тыдні пасля заканчэння цвіцення. Пажадана выкарыстоўваць толькі перапрэлы гной, касцяную муку і драўняны попел. Таксама эфектыўныя пазакаранёвыя падкормы.

Узімку крону півоняў, асабліва ў першыя гады пасля пасадкі, пажадана прыкрываць мешкавінай або нятканымі матэрыяламі. Карані звычайна прыкрываюць лапнікам, сухой лістотай або перапрэлым кампостам. Пры гэтым перакопваць верхні пласт глебы не варта, каб не пашкодзіць карані, якія залягаюць неглыбока. Падкормку гноем, як і кіслымі ўгнаеннямі, расліны пераносяць дрэнна.

Дрэвападобныя півоні могуць упрыгожыць любы сад у змешаных кампазіцыях з травяністымі півонямі.

У той жа час варта ўлічваць, што буйныя квітнеючыя кусты півоняў патрабуюць досыць шмат вольнай прасторы вакол. Дрэвападобная півоня добра падыходзіць для ролі саліруючай расліны на адкрытай пляцоўцы або газоне.

Пры добрым доглядзе яны растуць на адным месцы ў сярэднім каля 100—150 гадоў; вядомы экзэмпляры ўзростам 300 і нават 500 гадоў.

Ірына ТАМКОВІЧ

Выбар рэдакцыі

Спорт

Віцэ-прэзідэнт НАК Дзмітрый Даўгалёнак: Спартсмены не хацелі страціць тую Алімпіяду

Віцэ-прэзідэнт НАК Дзмітрый Даўгалёнак: Спартсмены не хацелі страціць тую Алімпіяду

Пра сваё спартыўнае мінулае і цяперашняе наш герой расказаў «Звяздзе».

Культура

Эпоха Купалы: далёкая і незабытая. Дзе пабачыць аўтографы паэта і вершы ў патроннай гільзе?

Эпоха Купалы: далёкая і незабытая. Дзе пабачыць аўтографы паэта і вершы ў патроннай гільзе?

Наша размова ішла пра ўспрыманне спадчыны Песняра і падыходы да яе захавання.

Калейдаскоп

Схаваныя праваслаўныя жамчужыны Беларусі. Зможаце знайсці іх усе? Тэст

Схаваныя праваслаўныя жамчужыны Беларусі. Зможаце знайсці іх усе? Тэст

У 2022 годзе адзначаецца 1030-годдзе Полацкай епархіі.