Эксперты Нацыянальнага цэнтра электронных паслуг (НЦЭП) прэзентавалі на Міжнародным форуме ТІБА-2022 магчымасці Апаратна-праграмнага комплексу (АПК) «Платформа», сярод якіх — стварэнне адзінага асабістага рахунку, з якога можна аплачваць электронныя паслугі і адміністрацыйныя працэдуры.
Раней перш чым атрымаць нейкую электронную паслугу, яе трэба было аплаціць, то бок штораз уваходзіць у сістэму АРІП, аплачваць, далучаць код аплаты і атрымліваць любую паслугу, якая рэалізавана на партале (тут прадстаўлена 226 відаў паслуг, з якіх 71 — адміністрацыйная працэдура), расказала Святлана Караневіч, начальнік аддзела электроннай камерцыі НЦЭП:
— Цяпер жа можна папоўніць рахунак пэўнай сумай, заказваць на АПЭП паслугі, а грошы аўтаматычна будуць спісвацца з рахунку. Гэты рахунак аўтаматычна створаны ў межах асабістага кабінета, які заведзены для кожнага беларуса. Папярэдне рахунак, вядома, пусты, ён прывязаны да ідэнтыфікатара асабістага кабінета. Гэта гарантуе, што вы не спішаце грошы з чужога рахунку і нехта іншы не скарыстаецца сродкамі з вашага рахунку.
Платформа, дарэчы, сама будзе адсочваць, што на рахунку ёсць грошы і будзе спісваць сродкі за аказаныя чалавеку паслугі. Уся інфармацыя пра аказаныя і аплачаныя асобай паслугі ў выглядзе электроннага акта аказаных паслуг за апошні месяц будзе аўтаматычна прыходзіць у асабісты кабінет.
Ірына СІДАРОК
Фота аўтара
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».