Вы тут

Навошта новы фармат міжпарламенцкай беларуска-расійскай камісіі


Напрыканцы чэрвеня ў Гродне пачне работу ІХ Форум рэгіёнаў Беларусі і Расіі. З кожным разам колькасць кантрактаў і пагадненняў, прынятых падчас яго работы, пастаянна расце. Разам з тым ёсць неабходнасць у аналізе і кантролі многіх рашэнняў, новых падыходах у іх здзяйсненні. Гэту функцыю ў новым фармаце павінна ўзяць міжпарламенцкая камісія.


Такая прапанова прагучала на нядаўнім пасяджэнні членаў аргкамітэта ў Гродне. Было адзначана, што цікавасць да форуму з кожным годам расце, адпаведна павялічваецца і колькасць удзельнікаў-партнёраў. Кожны бок зацікаўлены ў наладжванні новых сувязяў і пашырэнні кантактаў. Напрыклад, на сёлетнім форуме плануецца падпісаць пагадненняў на 1 мільярд долараў, а гэта на 200 тысяч долараў больш, чым на папярэднім, VІІІ форуме, які праходзіў у анлайн-фармаце.

Павялічваецца і колькасць рэгіёнаў-удзельнікаў. Як паведаміў падчас пасяджэння старшыня Пастаяннай камісіі па рэгіянальнай палітыцы і мясцовым самакіраванні Савета Рэспублікі Міхаіл Русы, плануецца падпісаць каля 60 пагадненняў аб міжрэгіянальным супрацоўніцтве. І заяўкі на ўдзел працягваюць паступаць.

Між тым не ўсе пагадненні і кантракты працуюць належным чынам.

Асаблівая ўвага — эканамічнаму супрацоўніцтву і тым праблемам, якія перашкаджаюць гандлёвым сувязям. Каб больш хутка вырашаць праблемныя пытанні, унесена прапанова аб перафарматаванні работы міжпарламенцкай камісіі. Яна павінна ўключыцца ў работу як на заканадаўчым узроўні, так і на ўзроўні арганізацыі. Як падкрэсліў Міхаіл Русы, зараз важна, каб такая камісія выконвала функцыю кантрольнага органа, які будзе наглядаць за ходам выканання рашэнняў, прынятых на форумах, у тым ліку і на чарговым, сёлетнім. Гэта неабходна для таго, каб зрабіць аналіз праблемных пытанняў, у тым ліку сачыць, як ідзе рэалізацыя 

28 дарожных карт. Бо за імі — імпартазамяшчэнне, стварэнне новых працоўных месцаў, стабільная работа эканомікі. Менавіта чарговы, ІХ Форум рэгіёнаў Беларусі і Расіі павінен зрабіць сур’ёзныя зрухі ў гэтым кірунку.

Разам з тым новым важным кірункам з’яўляецца навукова-тэхнічнае ўзаемадзеянне. Гэта сумесныя праекты і распрацоўкі, якія прызваны павысяць канкурэнтаздольнасць кампаній на знешніх рынках. Дарэчы, навуковая секцыя будзе працаваць і на ІХ Форуме рэгіёнаў Расіі і Беларусі. Мяркуецца аб’яднаць намаганні ў лічбавай эканоміцы для абмену сумеснымі напрацоўкамі. Менавіта ў такім кірунку працуюць многія краіны, таму і канкурэнцыя тут вельмі жорсткая.

Напрыклад, у сферы адукацыі плануецца падпісанне 10 пагадненняў паміж ВНУ абодвух краін. Як расказаў старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар Лісковіч, на нядаўнім пасяджэнні камісіі разгледжаны пытанні пятай секцыі, якая прысвечана інтэграцыі сістэмы адукацыі Расіі і Беларусі на рэгіянальным узроўні. У сувязі з гэтым у ГрДУ імя Я. Купалы будзе арганізавана вялікая выстаўка, прысвечаная традыцыям і інавацыям адукацыі Расіі і Беларусі, у якой прымуць удзел звыш 20 вышэйшых навучальных устаноў дзвюх краін. Плануецца, што падчас форуму беларускія ВНУ наладзяць больш цесныя кантакты з навучальнымі ўстановамі Масквы, Санкт-Пецярбурга, Тамбова, Уладзівастока і іншых гарадоў. Пагадненні, па словах сенатара, дазволяць інтэграваць як навуковыя, так і навучальныя распрацоўкі, уніфікаваць падыходы да навучання ў абедзвюх краінах.

Маргарыта УШКЕВІЧ

Прэв’ю: БелТА

Выбар рэдакцыі

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.

Калейдаскоп

Склад для дачніка. Парады ад практыкаў, як лепш захаваць ураджай на зіму

Склад для дачніка. Парады ад практыкаў, як лепш захаваць ураджай на зіму

Парады ад практыкаў, як лепш захаваць ураджай на зіму.