Вы тут

Да канца года колькасць міні-палігонаў адходаў скарацяць у Беларусі ў 4 разы


Да канца года ў Беларусі застанецца толькі сем міні-палігонаў адходаў. Сёння ў краіне эксплуатуецца 23 міні-палігоны ў Брэсцкай вобласці і пяць — у Гомельскай. На Брэстчыне мяркуюць скараціць колькасць застаўшыхся ўтрая, а на Гомельшчыне абяцаюць пазбавіцца ад апошніх. Астатнія вобласці ўжо цалкам вызваліліся ад такіх аб’ектаў. Спецыялісты Мінпрыроды на выязной калегіі ў Ляхавічах (Брэсцкая вобласць) падвялі вынікі сёлетняга пяцімесячнага навядзення парадку на зямлі. 


Навядзенне парадку — гэта не проста скасіць траву і прыбраць смецце, а вялізны комплекс спраў ва абарачэнню з адходамі, ахове водных рэсурсаў, азеляненні тэрыторый, захаванні прыродных рэсурсаў, заўважыў падчас калегіі міністр прыродных рэсурсаў і аховы навакольнага асяроддзя Андрэй Худык.

Спецыялісты абмеркавалі прычыны невыканання заданняў Рэспубліканскага плана мерапрыемстваў па навядзенні парадку на зямлі і магчымыя рызыкі ды праблемныя пытанні, звязаныя з выкананнем устаноўленых заданняў.

Сярод узнятых экалагічных праблем гаворка ішла пра рэкультывацыю міні-палігонаў, знішчэнне інвазійных раслін (гэта, дарэчы, адна з асноўных задач на найбліжэйшыя тры месяцы), тампанаж невыкарыстоўваемых свідравін. Неаднаразова ўспаміналі эксперты даручэнне Прэзідэнта па абмежаванню выкарыстання пластыкавай упакоўкі. Асабліва падчас наведвання Ляхавіцкага кансервавага завода, дзе прадукцыя фасуецца толькі ў шкляную тару самых розных памераў, і дырэктар прадпрыемства адзначае, што гэта значна больш выгадна.

Прыклад упарадкавання тэрыторыі ўдзельнік калегіі паглядзелі ў зоне адпачынку каля возера ў Ляхавічах. Тут працуе станцыя ратавання на водах. А само па сабе прыгожае ўзбярэжжа аздобілі 23 макетамі славутасцяў раёна, якія зроблены сіламі школьнікаў, бацькоў і настаўнікаў. Так з’явіўся Музей пад адкрытым небам «З глыбіні стагоддзяў». На кожнай з сядзіб ёсць QR-код, дзякуючы якому можна больш даведацца пра аб’ект.

Ірына СІДАРОК

Фота аўтара

Выбар рэдакцыі

Калейдаскоп

Шалі — прыемныя навіны, леў — добрыя справы. Усходні гараскоп на наступны тыдзень

Шалі — прыемныя навіны, леў — добрыя справы. Усходні гараскоп на наступны тыдзень

Авен. Панядзелак прынясе вам рамантычны настрой, хаця трэба працаваць

Калейдаскоп

Што вы ведаеце пра беларускае жніво? «Ураджайны» тэст

Што вы ведаеце пра беларускае жніво? «Ураджайны» тэст

Надышоў жнівень — самы ўраджайны, працоўны, смачны час.