Вы тут

Лета па-беларуску — то ў спякоту, то ў холад


Вясёленькае лета ў нас пачынаецца. Цяпер на тэрыторыі Беларусі ўсталявалася халоднае надвор'е з тэмпературным фонам у асноўным на 1—5 градусаў ніжэйшым за кліматычную норму. У той жа час, у нас назіраецца кароткачасовы рэзка кантынентальны клімат. Гэта калі з раніцы выходзіш на вуліцу — рэальна холадна, а вяртаешся з працы дадому — у дарозе гатовы і куртку, і кашулю зняць/


Дарэчы, за першую палову чэрвеня па краіне выпала ад 14 да 63 % ад чэрвеньскай нормы ападкаў, больш за ўсё дажджоў адзначыла метэастанцыя Гродна — 55 мм, або 92 % месячнай нормы. Кароткачасовыя навальнічныя дажджы працягнуць папаўняць чэрвеньскую скарбонку ападкаў, а тэмпература паветра будзе некалькі адставаць ад неабходнага па календары, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Будуць ісці кароткачасовыя дажджы з навальніцамі і ў пятніцу. У разгар дня будзе адносна цёпла — плюс 18–24 градусаў.

У суботу будзе пераважна без ападкаў, толькі ноччу і раніцай па паўднёвым усходзе, а ўдзень у асобных раёнах па паўночным захадзе краіны чакаюцца кароткачасовыя дажджы. Паветра ўначы прагрэецца да плюс 7–13 градусаў, удзень — да плюс 20–25 градусаў.

Зноў-такі кароткачасова, зменіцца характар надвор’я ў нядзелю. У гэты дзень трапічная паветраная маса павысіць градус. У разгар дня паветра па краіне паспее прагрэцца да плюс 27–34 градусаў, і толькі паўночна-заходнія раёны рэспублікі будуць атрымліваць асалоду ад прахалоды: там на сярэдзіну дня прагназуецца не вышэй за 20–26 градусаў цяпла. А ўначы тэмпература паветра складзе плюс 10–17 градусаў. У цэлым па краіне прагназуецца пераважна без ападкаў, толькі па паўночным захадзе Беларусі пройдуць кароткачасовыя дажджы, а ўдзень месцамі магчымыя навальніцы.

Паводле папярэдніх прагнозаў айчынных сіноптыкаў, з пачаткам працоўнага тыдня ўмовы надвор’я зробяць «адкат» на холад ноччу і на «жах» днём. А ўсё таму, што з Заходняй Еўропы да нас перамясціцца актыўная франтальная сістэма, якая прынясе цэлы букет летніх з’яў: навальніцы, дажджы рознай інтэнсіўнасці, моцны парывісты вецер, а дзе-нідзе ёсць верагоднасць выпадзення граду. Услед за франтальным раздзелам пачне паступаць халодная паветраная масса, і тэмпературны фон зноў панізіцца.

Такім чынам, у панядзелак на большай частцы тэрыторыі краіны пройдуць кароткачасовыя дажджы, месцамі моцныя. У асобных раёнах навальніцы, магчымы град, пры навальніцах узмацненне ветру парывамі да 15—20 м/с. Тэмпература паветра ўначы будзе вагацца ад плюс 9 градусаў па паўночным захадзе да плюс 19 градусаў па паўднёвым усходзе. Днём будзе плюс 17—24 градусы, у асобных раёнах — плюс 14—16 градусаў, а па паўднёвым усходзе краіны слупок тэрмометра дасягне плюс 25—32 градусаў.

А ў аўторак ад спакойнага цёплага лета не застанецца і следу. У гэтыя суткі ноччу на большай частцы тэрыторыі, а ўдзень месцамі па краіне чакаюцца кароткачасовыя дажджы. У асобных раёнах навальніцы. Тэмпература паветра мінімальная ўначы будзе плюс 8—15 градусаў, днём — плюс 17—24 градусы. Лета толькі набірае абароты.

Сяргей КУРКАЧ

Фота Маргарыты ПАЛЮХОВІЧ

Выбар рэдакцыі

Жыллё

Арэндная стаўка на здымнае жыллё працягвае зніжацца

Арэндная стаўка на здымнае жыллё працягвае зніжацца

Свежасць раёна, кватэры з новай планіроўкай — гэтыя фактары сёння маюць ключавое значэнне.

Адукацыя

У фокусе — прафесійная адукацыя

У фокусе — прафесійная адукацыя

Кіраўнікі адукацыйных ведамстваў упэўнены, што супрацоўніцтва ў сферы адукацыі з’яўляецца важным фактарам для ўстойлівага сацыяльна-эканамічнага развіцця дзвюх краін.

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?