Вы тут

«Берасцейскія вароты» і іншыя раманы пра сорак першы...


У госці да журналістаў Выдавецкага дома «Звязда» прыйшоў член Саюза пісьменнікаў Расіі, член Саюза пісьменнікаў Беларусі празаік і публіцыст Мікалай Чаркашын. 


Наш зямляк (а нарадзіўся рускі пісьменнік у Ваўкавыску, на Гродзеншчыне, у 1946 годзе) пазнаёміў са сваімі новымі кнігамі — трыма тамамі з уласнага Збору твораў. У сёмым томе — раман «Бог не гуляе ў косткі», у восьмым — «Берасцейскія вароты», у дзевятым — «Лес прастрэляных касак». Кнігі выйшлі ў свет у Выдавецкім доме «Дескрипта». Усе тры раманы ўяўляюць сабой трылогію, прысвечаную падзеям першых дзён Вялікай Айчыннай вайны ў Беларусі. Мікалай Чаркашын, перш чым падзяліцца з чытачом сваімі сюжэтамі, мастацкімі вобразамі, якія былі створаны яго пісьменніцкай фантазіяй альбо вымаляваны на аснове рэальных прататыпаў, аб’ехаў розныя дарогі, мясціны баёў, да якіх спрычыніліся салдаты, афіцэры Чырвонай Арміі. 

Дырэктар Выдавецкага дома «Дескрипта» Паліна Жарская расказала пра тое, як праходзіць праца над Зборам твораў Мікалая Чаркашына, адзначыла, што выдавецтва гатова прэзентаваць кнігі ў розных гарадах Беларусі.

Старшыня Саюза пісьменнікаў Беларусі, дырэктар — галоўны рэдактар Выдавецкага дома «Звязда» Алесь Карлюкевіч адзначыў гатоўнасць беларускіх літаратараў у Год гістарычнай памяці спрычыніцца да прэзентацый «беларускага цыкла» Мікалая Чаркашына, яго аўтограф-сесій. Рускі пісьменнік са сваімі празаічнымі і публіцыстычнымі творамі не аднойчы выступаў на старонках часопіса «Нёман», іншых беларускіх літаратурна-мастацкіх перыядычных выданняў, а таксама ўдзельнічаў у круглых сталах «Мастацкая літаратура як шлях адзін да аднаго» у час правядзення Дзён беларускага пісьменства, у Міжнародным сімпозіуме літаратараў «Пісьменнік і час», які традыцыйна праводзіцца ў Мінску з 2015 года. 

Мікола БЕРЛЕЖ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.