Вы тут

Спажывецкае крэдытаванне аднаўляецца


А менавіта, з 20 чэрвеня Беларусбанк дае магчымасць сваім кліентам аформіць некалькі новых відаў крэдытаў.


Як паведамляе прэс-служба гэтага буйнога банка, сярод іх — спажывецкія крэдыты тэрмінам да 5 гадоў, крэдытаванне якіх было раней прыпынена. Дык вось, стаўка па спажывецкім крэдыце складае 22 % гадавых (стаўка крэдыту авернайт Нацбанка плюс 9 %) пры афармленні ў аддзяленні і 21 % (стаўка крэдыту авернайт Нацбанка плюс 8 %) пры падачы заяўкі праз каналы дыстанцыйнага банкаўскага абслугоўвання.

Адначасова адкрываецца другі від крэдытавання — на ўмовах банка для аплаты навучання. Крэдыт выдаецца на аплату першай, другой і наступных адукацый, адукацый завочнай (вячэрняй, дыстанцыйнай) формы навучання незалежна ад формы ўласнасці ўстановы адукацыі. Пры гэтым за кошт крэдыту аплачваецца навучанне студэнтаў, у якіх ёсць студэнцкая картка Беларусбанка, а таксама студэнтаў — трымальнікаў картак БЕЛКАРТ банка, якія навучаюцца ва ўстановах адукацыі і ў якіх з банкам заключаны дагаворы на абслугоўванне па залічэнні і выплаце грашовых сродкаў. Стаўка па крэдыце складае 19,75 % гадавых (стаўка рэфінансавання Нацбанка плюс 7,75 %). Тэрмін такога крэдытавання — да 11 гадоў (з улікам тэрмінаў навучання студэнта і пагашэння крэдыту).

Трэці від крэдытавання прадугледжвае авердрафтавы крэдыт. Кліенты банка, якія маюць рахункі ў беларускіх рублях, могуць аформіць такі крэдыт з тэрмінам прадастаўлення 2 гады і тэрмінам пагашэння 12 месяцаў з выплатай працэнтаў у памеры 21% гадавых (стаўка рэфінансавання Нацбанка плюс 9 %).

І яшчэ. Улічваючы спакойнае становішча ў банкаўскай сферы краіны, таксама дадзены банк зніжае да 19,75 % гадавых (стаўка рэфінансавання Нацыянальнага банка плюс 7,75 %) стаўку па новых крэдытах для набыцця тавараў беларускіх вытворцаў.

Сяргей КУРКАЧ

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.