У нас чакаецца няўстойлівае надвор'е. У аўторак і ў сераду Беларусь апынецца пад уплывам цыклону і маларухомых атмасферных франтоў, якія прынясуць не толькі дажджлівае, але і халаднаватае для гэтага перыяду часу надвор'е, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У аўторак чакаюцца дажджы, месцамі магчымыя навальніцы і моцныя дажджы. Па паўднёва-заходняй палове будзе ўзмацненне ветру парывамі да 15—20 м/с. Днём паветра прагрэецца да плюс 14—19 градусаў, а па паўднёвым усходзе да 20—25 цяпла.
22 чэрвеня, уначы і раніцай на большай частцы тэрыторыі, а ўдзень пераважна па паўднёва-ўсходняй палове краіны пройдуць дажджы. Месцамі навальніцы, уначы моцныя дажджы. Ноччу і раніцай у асобных раёнах будзе ўзмацненне ветру парывамі да 15—20 м/с. Тэмпература паветра ўначы складзе плюс 8—13 градусаў, днём плюс 16—23 градусы, а па Брэсцкай вобласці паветра прагрэецца да плюс 24 градусаў.
Чакаецца, што ў другой палове тыдня цыклон перамесціцца на паўночны ўсход Украіны, фон атмасфернага ціску пачне расці, і істотных ападкаў да канца тыдня не прагназуецца. Разам з тым сіноптыкі чакаюць паступовае павышэнне тэмпературнага фону да паказчыкаў, апераджальных кліматычны каляндар.
Ужо ў чацвер будзе пераважна без ападкаў. Тэмпература паветра ўначы будзе вагацца ад плюс 8 да 14 градусаў, а днём — ад плюс 19 да плюс 26 градусаў. Дажджоў не будзе і ў пятніцу. У гэтыя суткі ноччу і раніцай у асобных раёнах магчымы слабы туман. Уначы паветра прагрэецца да плюс 8—15 градусаў, а ўдзень — да плюс 22—28 градусаў.
Паводле папярэдніх прагнозаў айчынных сіноптыкаў, у суботу будзе пераважна сонечна. Ноччу і раніцай у асобных раёнах слабы туман. Тэмпература паветра ўначы складзе плюс 10—15 градусаў, а ўдзень — плюс 24—29 градусаў. Чакаецца, што ў нядзелю зноў будзе «парылка», калі ноччу паветра прагрэецца да 17 цяпла, а ўдзень будзе прыпякаць да плюс 30, а можа, і больш.
Сяргей КУРКАЧ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.