Вы тут

Як зменіцца аплата медработнікаў пасля адмены «ковідных» надбавак?


Намеснік міністра аховы здароўя Дзмітрый Чараднічэнка пракаментаваў, як зменіцца аплата працы медыцынскіх работнікаў пасля адмены «ковідных» надбавак.


Ён адзначыў, што Указ № 131, які прадугледжваў гэтыя надбаўкі, быў прыняты ў 2020 годзе, калі Беларусь сутыкнулася з каранавіруснай інфекцыяй. Дакумент дазволіў аказаць неабходны аб'ём медыцынскай дапамогі пацыентам ва ўмовах пандэміі і захаваць кадравы патэнцыял працаўнікоў галіны. Дзякуючы Указу значна павялічыўся памер аплаты працы работнікаў галіны.

Паводле слоў намесніка міністра, цяпер эпідэміялагічная абстаноўка стабілізавалася, захваральнасць на COVІD-19 нязначная, насельніцтва правакцынаванае. Указ № 131 адменены. Замест яго Міністэрства аховы здароўя распрацавала пастановы, якія ў найбліжэйшы час будуць прыняты. Уведзена новая стымуляцыйная выплата ўсім урачам і сярэднім медыцынскім работнікам — надбаўка за работу ў сферы аховы здароўя.

У залежнасці ад складанасці і інтэнсіўнасці працы ўстаноўлены большы памер надбаўкі спецыялістам у прыёмных аддзяленнях стацыянараў, аддзяленнях анестэзіялогіі і рэанімацыі, аддзяленнях для пацыентаў з інсультамі, выязных брыгадах хуткай медыцынскай дапамогі, участковай службе паліклінік. Таксама ўстаноўлена надбаўка за асаблівасць прафесійнай дзейнасці малодшым медыцынскім сёстрам, санітаркам прыёмных аддзяленняў стацыянараў, аддзяленняў (палат) для пацыентаў з інсультамі, выязных брыгад хуткай медыцынскай дапамогі, аддзяленняў (палат) анестэзіялогіі і рэанімацыі.

— Як і даручаў Прэзідэнт, дакументамі Міністэрства аховы здароўя «ковідныя» надбаўкі трансфармаваны ў іншыя стымуляцыйныя выплаты, што дазволіць павысіць заработную плату ўсім медыцынскім работнікам, а не толькі пацыентам з COVІD-19, якія аказваюць медыцынскую дапамогу, — падкрэсліў Дзмітрый Чараднічэнка.

Міністэрства аховы здароўя працягне штомесячны кантроль узроўню аплаты працы ўсіх медыцынскіх работнікаў.

Алена КРАВЕЦ

Прэв’ю: pixabay.com

Выбар рэдакцыі

Грамадства

Пачым сёння прадаюць лісічкі, чарніцы і лясную суніцу?

Пачым сёння прадаюць лісічкі, чарніцы і лясную суніцу?

Карэспандэнт «Звязды» патаргавалася на рынках.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.