Вы тут

У Барысаве мужчына выкраў з крамы ўпакоўку з тытунёвымі вырабамі


У аператыўна-дзяжурную службу Гарадскога аддзела міліцыі Барысаўскага РУУС звярнулася дырэктарка прадуктовай крамы. Жанчына распавяла аб здзейсненым крадзяжы на суму звыш 530 рублёў. Па словах заяўніцы, крадзеж адбыўся ў дзённы час: невядомы з паддона выкраў упакоўку з 23 блокамі тытунёвых вырабаў.


Падчас комплексу аператыўна-вышуковых мерапрыемстваў супрацоўнікі міліцыі ўстанавілі асобу зламысніка. Як паведамляе група інфармацыі і грамадскіх сувязяў Барысаўскага РУУС, ім аказаўся 36-гадовы раней неаднаразова судзімы не працуючы мясцовы жыхар.

Як устанавілі праваахоўнікі, цыгарэты зламыснік вынес, скарыстаўшыся момантам: работнік крамы, што вёў прыёмку тавару, пакінуў на пэўны час неразгружаны тавар на паддоне ў свабодным доступе.

Раней мужчына ўжо прыцягваўся да крымінальнай адказнасці за маёмасныя злачынствы. Цяпер яму можа пагражаць да трох гадоў пазбаўлення волі.

Сяргей РАСОЛЬКА

Прэв’ю: pixabay.com

Выбар рэдакцыі

Культура

Што пакажа «Славянскі базар у Віцебску»? Добры настрой і незабыўныя ўспаміны гарантаваны

Што пакажа «Славянскі базар у Віцебску»? Добры настрой і незабыўныя ўспаміны гарантаваны

Канцэртныя праграмы, тэатральныя пастаноўкі, майстар-класы, кірмаш і многае іншае.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.